Skip to main content

Imerniartarfinni pisortat nikinnerat: Piginneqataasut immiorfimmik imerniartarfinnillu suliffeqarfimmit pisortaq piginneqataajunnaarsikkaat

Larseeraq Chemnitz Egede Nilammi, ilaatigut Godthåb Bryghusimik ingerlatsisumi, pisortatut tunuarpoq. Jeppe Ejvind Nielsen pisortatut nutaatut ivertinneqarpoq.

Nuummi imerniartarfeqarnermi ingerlatsisut annersaanni taarsiisoqarpoq. Tamannali innuttaasunit ilisimaneqanngitsumik pisimavoq.

Larseeraq Chemnitz Egede taamaalilluni Nilak A/S-imi, siornatigut Heca-mik taaguuteqarsimasumi, pisortatut tunuarsimavoq. Tunuarnermi peqatigisaanik imerniartarfeqarnermik suliffeqarfimmi ilaatigut Nuummi Godthaab Bryghusimik imerniartarfinnillu pigisaqartumi piginneqataassutini tunisimavai.

Aviisi Sermitsiaq taama allappoq.

Nicolai Marc Haagen Olesenip aamma Jes Nyborgip 2022-23-mi ukiut nikinnerannit atuutilersumik marsip 1-ani 2020-miilli piginneqatertik piginneqataassutinik pisinermikkut piginneqataajunnaarsissimavaat.

Jeppe Ejvind Nielsen, Nilammi siorna apriilimili ingerlatsinermut pisortaasoq, Laarseeraq Chemnitz Egede kingoraarlugu pisortaaninngorpoq.

Nicolai Marc Haagen Olesen Nilammi piginneqataassutit 62,5 procentiinik pigisaqarpoq, Jes Nyborg piginneqataassutit 20 procentiinik pigisaqartoq.

Aqutsisuni piginnittunilu allannguutit 31. december 2022-mi pisimapput. Tamanna CVR-registerimi takuneqarsinnaavoq.

Godthaab Bryghusip saniatigut Nilak ukuninnga ingerlatsisuuvoq: restaurant Killut, natklub aamma restaurant Aurum By Night, restaurant Sushi & Snacks aamma Daddy’s Brew Pub.

Aviisimi Sermitsiami atuarnerusinnaavutit. Aviisi uani pissarsiariuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER