Skip to main content

Imerniartarfimmut ujajaasoq ujaarineqartoq

Politiit takunnittunik ujaasipput

Marlunngornermi septembarip 20-anni nalunaaqutaq 16.34 Nuummi politiit nalunaarfigineqarput Pub Nuan neriniartarfimmi Nasiffimmiittoq ujajaaffigineqarsimasoq, taanna Nuussuarmi Iggiaani inissisimavoq.

Pasineqartoq ima oqaasertalerneqarpoq:

  • Angut
  • 175-180 centimeterit missaani angissuseqartoq
  • Kiinaata affaa qernertumik qungaseqummik/bandanamik asseqqavoq, kajortunillu taartunik isaruaqarpoq
  • Qernertunik aaqqatilik
  • Iluatigut taartumik nasalimmik tujuululik, qaavatigullu qasertumik qaamasumik kavaajaqarpoq, kavaajap qaava qasertoq taartoq, taakkulu akornanni killinganni qorsuk qaamasoq titarneq
  • Kavaajaani immikkut ilisarnaatigaa, tigerip niaquata assinga kavaajap tunuaniittoq, kavaajallu saavani 'Arctic Cat' allaqqavoq
  • Pasineqartoq qernertunik sungaartumik, qorsummik aamma tungujortumik pingasunik titarnilinnik qarleqarpoq
  • Puussiaaqqamik qaqortumik, qernertumik, sungaartumik aamma aappaluttumik qalipaatilimmik nassarput, taanna 'Super'-mik allaqqavoq, pisiniarfinni Kaminni puussiarineqartarput
  • Arpaatinik qaqortunik kamippaqarpoq

Politiinut ilisimatitsissutigineqarpoq, taanna pasineqartoq imerniartarfimmut isersimasoq, tassanilu savik atorlugu sioorasaaraluni karsimit aningaasat amerlassusaat ilisimaneqanngikkallartut tigullugit puussiamut ikivai, politiineersoq Britta Davidsen ilisimatitsivoq.

Pasineqartup kinaassusaanut paasissutissanik innuttaasunik peqartunut imaluunniit ujajaanermut inuit paasissutissaateqartut Nuummi politiinut oqarasuaat 701448-mut saaffigiinninnissaat, politiit nalunaaqqusipput.

Allaaserisap ataani ujajaaffiusumit assit takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER