Skip to main content

Imerniartarfik utoqqatserfigineqassanersoq nalorninartoq

Tasiilami imerniartarfimmik Arctic Wonderlandimik piginnittoq, Mike Nicolaisen, Peqqissutsimut Naalakkersuisoqarfimmit utoqqatserfigineqarumaarnersoq nalorninarpoq.

Naalakkersuisoqarfiup imerniartarfinni aamma pisiniarfinni Tasiilami eqqaanilu imigassamik aalakoornartulinnik tuniniaasinnaasunik nakkutilliisuisa nalunaarusiaat taassuma sakkortuumik isornartorsiorpaa. 

Ilisimasaat qularineqartoq
Nakkutilliisoqarfiup aallartitaasa ilisimasaat aamma naliliinerminni piginnaasaat, inuit isigiinnarlugit qassinik ukioqarnerinik naliliisimanerat Mike Nicolaisenip qularnarnerarpaa.

- Isersimasut nalunaarusiamiittut uppernarsaateqarani eqqoriaanermik tunngaveqarput. Nakkutilliisut inuit isigiinnarlugit qassinik ukioqarnerinik naliliisinnaanerannik ilisimasaat paaserusussinnaavagut. Inunnik ''ikinnerpaanik 15-inik'' 12-niit 15-inik ukiulinnik isersimasoqarneranik oqarneq toqqaannartumik ilumuunngilaq, uppernarsaateqanngitsumillu oqarneruvoq, imerniartarfimmik piginnittoq Sermitsiaq.AG-mut oqarpoq.

- Ataqatigiinngitsumik katiterinerat aamma ilumoorsaarani eqqoriaanerit pillugit, suliffeqarfimmut siunissami ajoqusiinermik kinguneqartussat, periutsit taakkartorneqartut pillugit oqartussanit utoqqatserfigineqarnissarpugut qinnuigaarput, Mike Nicolaisen ilisimatitsivoq.

Saaffiginninnerit amerlasut
Tasiilami nakkutilliineq pillugu arlalinnik saaffigineqarsimallutik, naalakkersuisoqarfimmi pisortaq Tine Pars Sermitsiaq.AG-mut ilisimatitsivoq.

Mike Nicolaisenip isornartorsiorneranut aamma utoqqatserfigineqarnissamik piumaqarneranut maanna oqaaseqarnissani itigartitsissutigaa.

- Sermersuumi Aningaasaqarnermut Inuussutissarsiornermullu Ataatsimiititaliap sassaallernissamut akuersissutaatillit pillugit sulia aalajangiinngimmata, naalakkersuisoqarfik Tasiilami nakkutilliinermit nalunaarusiaq pillugu oqaaseqaqqikkusunngikkallarpoq, Tine Pars Sermitsiaq.AG-mut oqarpoq.

Suliaq tamaat atuaruk: 

Tasiilami imerniartarfinni pissutsit ajorluinnarnerat nakkutilliinerup takutippaa

Kommunip kalerreeqqaarani imerniartarfinnut nakkutilliiartortarnissaq atulersippaa

Tasiilami imerniartarfik assortuussutaasoq Naalakkersuinit ikiorneqartoq

Nakkutilliisut isornartorsiorneqartut: Arnaq toqusimasinnavoq

Imerniartarfiutilik nakkutilliisunit utoqqatserfigineqarnissani piumasaraa

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER