Skip to main content

Imermik amigaateqarneq peqqutigalugu sulisut angerlartinneqartartut

Royal Greenlandip tallimanngormat saarullinnik tunisassiorneq Kangaatsiami imermik amigaateqarneq peqqutigalugu unitsippaa. Sulisut 20-it angerlartinneqarput

Kangaatsiami imermik amigaateqarneq peqqutaalluni Royal Greenlandip illoqarfimmi saarullinnik tunisassiornini unitsittariaqalersimavaa.

Taamaammallu sulisut 20-it tallimanngormat angerlartinneqarput. Ajornartorsiulli iluarsineqarpat tunisassiorneq aallarteqqissaaq, Royal Greenland ilisimatitsivoq.

Tunisineq unitsissinnaagaa
Tunisassiorfiup saarullinnik tunisineq matunngilaa, kisianni tamanna sapaatip akunnera qaangiuppat pisinnaasoq, tunisassiorfiup pisortaa Abia Thorsteinsen Royal Geenlandip tusagassiivianut nalunaarpoq.

Tunisassiorfk naapertorlugu, ajornartorsiut novemberip qaammataata ingerlanerani iluarsineqarnissaa Nukissiorfiit utaqqivaa.

- Naak qerititsiveqarfipput sapaatiummat imaarneqaraluartoq, aatsaat oktoberip 21-ani umiarsuakkut nassiussisoqaqqissaaq. Aalisartut bundgarninik saarullinnik pisaqarluaqattaaramik, naatsorsuutigaara piffissami qaninnermi annertuumik tunisaqarnissaat, tunisassiorfiup pisortaa naliliivoq.

Qerisitsineq killilik
- Qerititsivik ulikkaarpat tunisinerup unitsinneqarnissaa pinngitsoorsinnaanngilarput, tamatumalu kingunerissavaa sulisut qulit missaaniittut angerlartinneqarnissaat, Abia Thorsteinsen oqarpoq.

Taassuma tikkuarpaa, umiarsuarmik saniatigut tunisassianik nassiussinissamut periarfissaqanngitsoq. Tunisassiorfik 100 tonsinik qerititsisinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER