Skip to main content

Imermik 600.000 kubikmeterimik avammut tuniniaaneq

Koldco Greenlandip Imarsiornermut Qullersaqarfiup akuersissutissaa kingulleq taamaallaat utaqqivaa. Taanna pissarsiarineqareerpat Kommuneqarfik Sermersooq peqatigalugu Paamiuni imermik tunisassiorfiup sanaartugassatut pilersaarusiorneqarnera tamanut saqqummiutissavaa. Taamaattorli qanoq aningaasalersornissaanut tunngasut oqaaseqarfiginissaat maanna piaarpallaartoq, suleqataasoq Martin Sandy Shalmi oqarpoq

Nunatsinni suliffeqarfik Koldco Greenland, Paamiunit Afrikamut imermik tunisassiornissamik pilersaaruteqartoq, tunisassiorfissap sanaartornissaanut pilersaarut piariingajalerpaa.

Suliffeqarfiup Imarsiornermut Qullersaqarfiup naaralaartitsiviit marluk akornanni sammiviugallartussap akuerineqarnissaa utaqqigallarpaa, tamannalu pereerpat kommunalbestyrelsip sanaartornissamut pilersaarut atuuttussatut tamanut saqqummiutissavaa.

Kommuneqarfik Sermersuumit aamma pilersaarummut illoqarfimmi suleqataasoq Martin Sandy Shalmi oqarput. 

- Kommunalbestyrelsip sanaartugassatut pilersaarut inaarutaasumik tamanut saqqummiuppagu, tamanna alloriarnernit pingasuusussanit siulliussaaq, tamakkulu pereerpata tunisassiorneq aallartinneqarsinnaalissaaq. Alloriarnerit aappaat tunisassiorfimmut namminermut tunngasuuvoq, taanna ilusilersorneqassaaq pitsaanerpaaffissaaniilersinneqassallunilu tulliullugulu inuussutissarsiornermut naalakkersuisoqarfimmit akuerineqartussaalluni. Alloriarnerit pingajuat tassaavoq pinngortitamut kingunerisassaanik misissueqqissaarneq, tassani pineqarluni pilersaarut tamarmiusoq ilutassaa ilanngullugu.

Tamatuma kingorna aningaasassarsiuunnissaa aallussinnaalissavarput, Martin Sandy Shalmi oqarpoq, naliliillunilu oqaatigalugu pilersaarutip katillugit 500 millionit koruuninik akeqartussap aningaasalersornissaanut periarfissaqarluartoq.

Allaaserisaq Sermitisiaq aviisimi sapaatip-akunnerani saqqqummertumi tamakkerlugu atuaruk. Aviisi uani pisiariuk:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER