Imeq tipeqaraluartoq mingutsinneqarsimanngilaq
Nuummi innuttaasut arlallit erngup pitsaassusaanik ippassarli ippiginiagaqalerput. Imeq tipeqarpoq. Erngup pitsaassusaata misissorneqarneranit imeq mingutsinneqarsimanissaanik takussutissaqartoqanngilaq.
Obs. Nal. 14.20 Allaaserisaq paasissutissanik amerlanerusunik ilallugu naqqinneqarpoq.
Nuummi innuttaasut erngup tipeqarneranik ippigisaqarlutik nittartakkakkut attaveqatigiiffinni ippassarli eqqumiigisaqarlutik allattalerput.
Nukissiorfiit aamma ilisimatusarnermut avatangiisinullu naalakkersuisoqarfik uppernarsaapput innuttaasut imeq pillugu saaffiginnittarsimasut.
Avatangiisinut Naalakkersuisoqarfik ilisimatitsivoq Nuummi erngup pitsaassusaanik misiliutinik immikkut ullumi tigusisoqartoq, taakkulu akissutaat ullualuit qaangiuppata paasinarsissasut.
Taamaattoq ernumasoqartariaqanngilaq, naalakkersuisoqarfik ilisimatitsivoq.
- Nakorsaaneqarfik aamma Ilisimatusarnermut Avatangiisinullu Naalakkersuisoqarfiup nalilerpaa tipi allanartoq peqqissutsimut ulorianarnavianngitsoq, taamaattorli pingaaruteqartoq tipi allanartoq peerniarlugu Nukissiorfiimmiit sulisoqartariaqartoq, Ilisimatusarnermut Avatangiisinullu Naalakkersuisoqarfimmi pisortaq, Mette Skarregaard Pedersen oqarpoq.
Naalakkersuisoqarfik ilisimatitsivoq Nukissiorfiit minguiaatiminni immikkut kuutsitsingasuartut, tipi allanartoq aalisagaaqqanut imeqarfimmeersunut attuumasinnaanera nalilerneqarmat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...