Skip to main content

Imeq suli tipaarussimanngitsoq

Nuummi erngup tipaarutsinnissaannut suliniutit arlallit, soorlu erngup salinneqartarner klorilersornerilu, Nuup imaata tipaarutsinnissaanut iluaqutaavallaarsimanngillat.

Nuummi innuttaasut Nukissiorfinnut saaffiginnissuteqarsimapput erngup mamannginnera pillugu. Nukissiorfiit Facebookimi quppernerminni taama ilisimatitsipput.

Nuummi innuttaasut piffissami kingullermi annerusumik minnerusumilluunniit erngup mamaanneranik maluginiagaqartarput.

Nuummi immikkoortortami pisortaq siusinnerusukkut nassuiaasimavoq Nukissiorfiit annertuumik iliuuseqartut erngup pitsaanerulernissaa anguniarlugu.

LÆS OGSÅ: Nukissorfiit Nuummi imermut tunngatillugu suliaqarput

Ilaatigut imeq imigassaq klorimik salinneqarsimavoq, erngup aqqutai kuutsitsiffigineqangaatsiarsimallutik erngullu saligutai aamma salinneqarsimallutik.

Sermernarnerulermat tipaarutinngilaq

Imip imerneqartartup tippanneranut aasap ingerlanerani nassuiaatigineqarpoq silap kiannerusimanera. Nuup ilaani Qinngorput-mi aamma Nuussuarmi imeq tipeqanngikkaluartoq, taamaattoq Nuummi illoqarfiup qeqqani innuttaasut imigassaat allanartumik tipeqarpoq.

Ukioraluartorlu, silamilu qulit tikillugu issileraluartoq, imeq suli tipeqarpoq.

Immikkoortortami pisortap Nukissiorfiit pingaarnertut allaffeqarfianut innersuussivoq, Sermitsiaq.AG-p paasiumammagu erngup tipinneranut suna pissutaanersoq. Allattoqarfik suli nassuiaammik tunniussaqanngilaq.

Brugseni tunisaqarluartoq

Imiup tipeqarnera Brugsenimut tunisaqartitsilluarsimavoq. Pisiniarfiup qaammatialuit ingerlanerinnaani imermik 2 liiterikkaanik tunisaqarnini pingasoriaat sinnerlugu annertusisinnaasimavaa. Briugsenimi niunermi pisortaq, Jes Nyborg oqarpoq nioqqutissap piumaneqarnerulernera malillugu nioqqutissanik amerlanerungaartunik tikisitsisalersimallutik.

LÆS OGSÅ: Vandets lugt tredobler salg af vand på flaske

Nukissiorfiit ilanngullugulu ilisimatitsinikuupput erngup pitsaanerulernissaa anguniarlugu sulisoqartoq. Oqartussat imermik misissuineri akulikitsumik ingerlanneqartartut takutippaat erngup tipaata allanngornera peqqinnissamut ulorianartorsiortitsinngitsoq.

NK-mi saqqummersitsineq: aanaap illua pillugu eqqaamasat
Arnajaraq Støvlbæk aanaap illua pillugu eqqaamasat tunngavigalugit Nuummi Eqqumiitsulianik Saqqummersitsivimmi saqqummersitsissaaq. Saqqummersitsineq sisamanngornermi januaarip 21-ani nal. 17...
Missingersuutit pillugit inatsit nutaaq: Sermersuumi siuariartorneq unitsinniarneqarpoq
Naalakkersuisunit inatsisissatut siunnersuut nutaaq kommunit siuariartornissaannut akornusiissaaq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER