Skip to main content

Imeq minguitsoq pillugu suliniut pitsanngorsaaffigineqartoq

Nalunaarut nutaaq aqqutigalugu, erngup imerneqarsinnaasup pitsaassusia aamma imermik pilersuiviit nakkutigineqarnerat pineqartillugit unammilligassaasartut arlallit iluarsiiffigineqassapput

Erngup pitsaassusia nakkutilliisarnerlu pillugit nalunaatu ukiunik aqqaneq-marlunnik pisoqaassusilik nutaamik, tusarniaassutigalugu nassiussuuneqaqqammersumik taarserneqassaaq, tunngaviatigullu innuttaasunut tamanut, suliffeqarfinnu kommuninullu nalunaarut saaffiginnissutaavoq, Avatangiisinut Naalakkersuisoqarfimmit erseqqissaassutigineqarpoq.

Kuuffimmit imermik imeraangatta napparsimalinnginnissarput qulakkeerniarlugu, nalunaarummi immikkuualuttut isummerfiginiarutsigit atuagassaq annertuvoq. Nalunaarutip saniatigut ilanngussat qulingiluaapput, taakku erngup pitsaassusissaanut piumasaqaatit, qanoq akulikitsigisumik nakkutilliisoqartarnissaa aarlerinaateqarsinnaasunillu nalillersuinissat nassuiaataannik imaqarput.

Inassuteqaatit

Nalunaarusiaq ”Kalaallit Nunaanni erngup imigassap pitsaassusaa 2011-2013” ukiut aqqaneq-marluk matuma siorna saqqummiunneqarpoq, inassuteqaaterpassuarnillu imaqarpoq Avatangiisinut Naalakkersuisoqarfimmit maanna iliuuseqarfigineqarniartunik.

Naalakkersuisoqarfiup allannguutissatut siunnersuutit ilaattut uku ilannguppai:

Pinngortitamut Avatangiisinullu Naalakkersuisoqarfik maannakkut imermut imigassamut nakkutilliinermut oqartussaasoq, erseqqissarneqarpoq. Akisussaaffik taanna siusinnerusukkut oqartussat arlallit akornannut siammarneqarsimagaluarpoq (qitiusumi aamma qitiusup avataani).

Suleqatigiinni imermut imigassamut siunnersuisartunik, ilitsersuisinnaasunik aammalu allatut nakkutilliinermut oqartussat sulineranni ikiuussinnaasunik, pilersitsineq.

Ingerlatsinermik akisussaasuusoq akuutissanut uumaatsunut aammalu uumasuaqqanut tappiorannartunut imermik misissugassamik tigusisassasoq.

EU-mi piumasaqaatit nutaat eqqarsaatigalugit laboratorianik akuerisaasunik atuisarnissaq pillugu piumasaqaat.

Imermik imigassamik misissuinerup akuutissanut attuumassuteqartunut sammisuutinissaa – aarlerinaataasunik nalilersuineq aqqutigalugu – pillugu maleruagassat nutartikkat.

Uumasuaqqat tappiorannartut misilerarnissaannut periaatsinik allaanerusunik atuinissamut periarfissaqarneq.

Nalunaarummi aalajangersakkat allatut allanneqarnerat aammalu pisariitsumik aaqqissuunneqarnerat.

Nalunaarut nutaaq pillugu oqaaseqaatinik tunniussinissamut februaarip 20-at piffissaliunneqarpoq.

Ilanngussarpassuit link ataaniittoq aqqutigalugu paasisaqarfiginerukkit: Tusarniaanermi atortussat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER