avammut niuerneq
Imeq imeqarfimmeersoq avammut nioqqutissiatut
Naalakkersuisut imermik avammut nioqquteqarnermi ineriartorneq sukkanerulersikkusuppaat. Taamaattumik Nukissiorfiit imeqarfiutaat nalinginnaasumik imermik avammut nioqqutissamik maqitsinissamut atorneqarsinnaasariaqarput
Sermip erngullu avammut nioqqutissatut atorneqarnissaat pillugu Inatsisartut inatsisaat 2001-imeersoq – nunarsuami imermik avammut nioqquteqarnermi inatsisit siullersaat – iluatsinngitsoorsimavoq.
Ukiut 15-it ingerlareersullu imermik avammut nioqquteqarnermik annertuumik suli ingerlatsisoqalersimanngilaq. Taamaattumik Naalakkersuisut nutaamik misileerusulersimapput.
Naalakkersuisut imeqarfinni pisortanit pigineqartuni imeq ammaanniarneqarpoq suliffeqarfiit nunatta ernganik avammut nioqquteqarnermik aallartitserusuttut aallartissinnaaqqullugit.
Atuaruk: KNR: Wæver aamma Hardenberg imermik suliniuteqartut
Inatsisip allanngortinneqarnissaa
Kisianni inatsimmut allannguutissatut siunnersuummi oqaaseqaatit ilaanni atuarneqarsinnaavoq, imermik avammut nioqquteqarnermit aalisakkanik tunisassiorneq imermik annertuumik pisariaqartitsiviusoq eqqugaassasoq.
Suliffeqarfiit imermik sermimillu avammut nioqquteqarusuttut ullumikkut maqitsinissamut atortunik pisiniarnissamik ikkussuinissamillul namminneerlutik isumaginnittussaapput.Maannalu Naalakkersuisut nassuerutigaat, imermik sermillu iluaqutiginninnissaq pillugu inatsit iluarsiissuteqarfigineqartariaqartoq.
Taamaattumik Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq Vittus Qujaukitsoq ukiakkut ataatsimiinnermi allannguutissatut siunnersuummik saqqummiussissaaq.
Imermik pisinissamut periarfissaq
Siunnersuummi avammut niuerutiginnittartut namminersortut pisortani pilersuinit soorlu Nukissiorfinniit imermik sermermillu pisinissamut periarfissaqartariaqartut.
- Taamaattoq suliaqartuusut namminersortut avammut niuerutiginninnissaq siunertaralugu imermik pilersorneqarnissaq pillugu pisortat pilersuinermut ingerlatseqatigiiffiinut isumaqatigiissuteqarsinnaanerannut inatsimmi tunngavissamik inatsit atuuttoq imaqarpoq, aammalu inatsimmi tunngavissap taassuma erseqqissarneqarnissaa siunnersuummi siunertaavoq, Vittus Qujaukitsoq siunnersuummut oqaaseqaatimini allappoq.
Allaaserisaq tamaat AG-mi uani sapaatip akunnerani saqqummertumi atuaruk, taanna uani aamma pisiarisinnaavat: