Skip to main content

Imarsiornermut aqutsisoqarfik: Sulitilluni ajutoornerit amerlavallaarput

Umiarsuarni kilisaatinilu ajutoornerit ikilerialaarput. Sulili amerlavallaarput. Imarsiornermut aqutsisoqarfiup kisitsisaataani aalisariutit ajutoorfiunerpaasarput

Umiarsuaatillit annertuumik akisussaaffeqarput umiarsuit malittarisassat malillugit atortulersornissaannut. 

Imarsiornermut aqutsisoqarfik ukiormanna Nunatsinni aalisariutit immikkut eqqummaariffigalugit suliniuteqarpoq.

Eqqummaarinninnermi paasinarsivoq ajutoornerit annertuut pisartut aqqunarnernik kinguneqarsinnaasarlutik sulinngikkallartariaqarnermik kinguneqartumik.

AG allappoq.

Suliffik ulorianartuuvoq

Tamanna saqqummiunneqarpoq imarsiortut ukiumoortumik Nuummi naapisinneqarneranni sapaatip akunnerata siuliani imarsiornermut qullersaqarfik saqqummiussimmat. Kisitsisit takutippaat aalisariutini sulineq ulorianarluinnartuusoq.

2018-mi ajutoornerit pinngitsoorani nalunaarutigisariaqartut 19-it pipput. Ajutoornerit taakku tassaapput sivikinnerpaamik ullormik ataatsimik sulinngikkallartariaqarnermik kinguneqartartut. 2017-mi 2016-milu sanilliukkaanni ajutoornerit amerliaallalaarsimapput.

- Kalaallit Nunaanni aalisariutini sulissagaanni eqqummaarinnissaq pisariaqarluinnarpoq. Silarlussinnaavoq sikoqarlunilu taarlunilu. Allatut oqaatigalugu; suliffik ulorianartuuvoq ningittagarsuutini, kilisaatsinilu sila qanorikkaluartorluunniit sulineq, imarsiornermut aqutsisoqarfimmi nakkutilliinermut pisortaq Martin John oqarpoq.

Allaaserineqartoq aviisimi AG-mi tamakkiisumik atuaruk. Aviisi aqagu pingasunngornermi pisiniarfinni pisiarineqarsinnaalissaaq. Aviisi uani pisiarineqarsinnaalereerpoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER