Nuup eqqaani qeqertannguaq sanaartorfigineqarsimanngitsoq siunissami aalisarnermik inuussutissarsiortunit atorneqarsinnaalissaaq, ilaatigut atortuutinik inissiisarfittut, peqatigisaanillu Imarsiornermik Ilinniarfiup isumannaallisaanermut pikkorissaaffigisinnaasaanik sanaartortoqassalluni.

Taakku marluk suliniutissatut siunnersuummi Kommuneqarfik Sermersuup maanna tusarniaassutigisaanut ilanngunneqarsimapput.

arkitekt thomas riis aps

Imarsiornermik Ilinniarfik aamma Polar Seafoodimik piginneqataasoq Jens Salling siunnersuuteqartuupput.

Siunnersuut naapertorlugu 17.000 kvadratmeterisut angissusilimmi sanaartortoqassaaq – qeqertami 13.000 kvadratmeterit aamma aqqusernup pioreersup eqqaani 4.000 kvadratmeterit. Sumiiffiit taakku marluk sapusiamik atalersinneqassapput.

Ilinniarfik: Pikkorissarusuttut amerlapput

Imarsiornermik Ilinniarfik ullumikkut Paamiuni sinerissamilu illoqarfinni allani pikkorissaasarnernik neqerooruteqarluni, siunnersuummi allappoq, imarsiortullu amerlanerit Danmarkimi pikkorissarusunnerusartut tassunga angalaneq ajornannginnerummat.

- Pikkorissarusuttut amerlasaqimmata Nuummi pikkorissaaneq periarfissanngortikkusupparput, imarsiortunut umiarsuaatilinnullu piffissamik aningaasatigullu sipaartoqarsinnaaniassammat. Atortuutit pisariaqartitat tassaapput talittarfik kivittaassuartalik, puttasuliaq, illu sungiusarfissatut naluttarfilik, init atuartitsivissat sutortarfeqassallunilu, suliniummut siunnersuummi allaqqavoq.

Jens Sallingip suliniummi suliaanut tunngatillugu atortuutit ataatsimut nuukkaanni iluaqutaasinnaavoq, nunalu atorunnaagaq illoqarfiup pilersaarusiorneqarneranut iluaqutaassalluni:

Illoqarfiup ineriartortinnissaanut inissaqalersitsisinnaasoq

- Aalisarnermut atortuutit assigiinngitsuni passunneqartarput inissisimaveqarlutillu, taamaattumik illukartiterineq piffissarnarlunilu nukersornartaqaaq, minnerunngitsumillu nungullarsaataasarluni. Nuummi Polar Seafoodip nunami atortuutai umiarsualivimmi sumi tamaani inissisimaffeqarput. Ataatsimut nuuneqarsinnaappata torersaasoqarsinnaavoq, nunalu atorunnaagaq illoqarfiup pilersaarusiorneranut iluaqutaasinnaanngorluni, siunnersuummi allaqqavoq.

Tamatuma saniatigut suliniuteqartut oqartussanut iluaqutissaqartoq oqariartuuteqarput:

- Qatserisartoqarfik mittarfeqarfillu qanikkaani iluarineqassaaq, taamatullu ikaartarfiliinikkut annanniutit politiillu angallataat inissiivissaqalersinnaapput, siunnersuummi allaqqavoq.

Kommunip siunnersuut pitsaasutut nalilerpaa, suliniullu kommunip illoqarfiup ineriartortinnissaanut periusissaanut ilaanerarlugu.

Nutaarsiassat

Kommunip paaqqinnittarfiini atuarfiup kingorna ornittakkanilu sulisut pikkorissartut

Nuummi paaqqinnittarfinni kiisalu atuarfiup kingorna ornittakkani sulisut ilinniagaqarsimanngitsut piginnaanngorsaqqinneqarnertik sapaatit akunnerisa qulinganni aallartippaat....

Innuttaasunik suliffeqarfinnillu sullissineq pitsaanerusoq

Qatserisartut Sermersuup innuttaasut suliffeqarfiillu  ajornannginnerusumik upalungaarsimasunut attaveqartarnissaat kissaatigivaa.

Nalinginnaasunik apeqqutissaqaruit imaluunniit...