ajunaarneq
Imaq – peqqarniitsumik toqutsisartoq
Qaammatip ataatsip ingerlanerinnaani inuit aqqanillit ipillutik ajunaarput. Amerlanerit umiatsiat alianartumik ajutoornerisigut. Sapaatit akunnerata siulitani aamma ajunaartoqaqqippoq. Inuit sisamat inuunertik annaavaat.
Aasaq-manna alianartut allaanngillat naaffeqanngitsut.
Qaammat ataaseq sinnilaarlugu matuma siorna angutit marluk arnarlu Ilulissat eqqaani umiatsiaat ikkarlummut sikuminermulluunniita apormat ajunaarput. Nukappiaraq 13-inik ukiulik annappoq.
Qanittukkut tassaarnersuup Nuugaatsiq eqqorpaa inersimasullu pingasut meerarlu ataaseq imaanut amullugit ajunaartippai.
Sapaatip-akunnerata siuliani angajoqqaat umiatsiamik angalaarlutik meeqqamik tallimaasut ilaat marluk annaavaat. Tassa motooriat umiatsiamit katammat umiatsiarlu putummagu, taamaalilluni umiatsiaq sukkasoorujussuarmik immalluni ingerlaannangajallu kivilluni.
Arnaq inuusuttunnguaq ukioq´manna ilinniarnertuunngortoq kisiartaalluni annaapoq, ajutoornerat tassanngaannaq pisimagunarpoq issariarnerullu ilaannamineerannguani nalinginnaasumik sungiusimasamillu umiatsiarneq inuunerup toqullu akornanni akiuunninngorpoq.
AG-p uani sapaatip-akunnerani ilaqutariit nuannarineqartut ajunaarnerat annaaneqarnerat qanoq Aasiannut sunniuteqarnersoq oqaluttuaraa: