Skip to main content

IMAK: Kommunit kajungerilersitsinissamut annertunerusumik suliniuteqartariaqarput

Nuna tamakkerlugu ilinniartitsisussaaleqisoqartoq, Ilinniartitsisut kattuffiata IMAK-ip oqaatigaa. Sineriammut ilinniartitsisut siammarterneqassappata kommunit annertuumik kajungerilersitsinissamut akisussaaffeqartut, kattuffik isumaqarpoq.

Inuunermi atugassarititat, inigisat kajungernartut, nioqqutissat akii atuarfimmilu pisortap ingerlatseriaasia ilinniartitsisunut pingaaruteqartorujussuusartut, IMAK-imi siulittaasoq Birthe Møller Therkildsen isumaqarpoq. 

LÆS OGSÅ: Kujallermi atuarfiit: Ilinniartitsisut qaangiuttoortariaqartarput

Ilinniartitsisut amerlanerusut sineriammut suliartorusuttalissappata kommunit annertuumik akisussaaffeqarput. 

- Kommunit pisussaaffeqarput kommuniminnut kajungerisilersitsinissaat. Kommunip suut neqeroorutigai aamma immikkut ilinniartitsisunut isumaqatigiissuteqartoqarsinnaava? Kommune Kujalleq qiviaraani taava immaqa avataaniit tikittoqarnissaanut kajungerilersitsinneq annikippallaarpoq. Aningaasarliornerat annertuumik tusarsaassarpoq, IMAK-imi siulittaasoq, Birthe Møller Therkildsen Sermitsiaq.AG-imut oqarpoq.

Kommunit sinaakkusiisarput

Ilinniartitsisut nunaqarfinnut illoqarfinnulluunniit mikinerusunut atorfininniarlutik aalajangerusunik ukiuni killilinni atorfinitsinneqarsinnaapput, kommunip isumaqatigiissut atorniarlugu aalajangeruni.  Ukiuni killilinni atorfinitsitsisarneq annertunerusumik atorneqartariaqartoq IMAK-imi siulittaasoq isumaqarpoq. 

- Ullumikkut ukiuni killilinni atorfinitsitsisarneq unitsinneqartarpoq atorfillit 80 procentiisa killiligaanngitsumik atorfinitsinneqaraangata. Illoqarfiit isorliunerusut ilinniartitsisunik kajungerilersitsissappata kommuni annertuumik akisussaaffeqarpoq. Kommunimi ilinniartitsisut atugassarititai sinaakkusersortarpat. Ukiut tamaasa sulinngiffeqarluni angalatitsisarneq neqeroorutigineqarsinnaavoq. Tamakkua assigiinngitsut ilinniartitsisut aamma isiginiartarpaat, Birthe Møller Therkildsen nassuiaavoq.

IMAK qanimut suleqataarusuppoq

Kommune Kujalliup illoqarfiini ilinniartitsisut 23-t amigaatigineqarput, nunaqarfinnilu aqqaneq-marluk amigaatigineqarlutik. Nanortalimmi ilinniartitsisut qaangiuttoorlutik sulisariaqartarput ilinniartitsisut qulingiluat tiimissaralui matussuserniarlugit. Atuarfeqarnermut ataatsimiititaliami siulittaasunngorlaap Bibi Kielsenip (IA) ilinniartitsisussaaleqineq pillugu annertuumik misissuisoqartariaqartoq oqaatigaa. 

LÆS OGSÅ: Vil have lærermangel kulegravet

Tamannalu IMAK-imiit tigulluarneqarpoq kommunimullu qanimut suleqatiginnikkusulluni. 

- Kujallermi atorfillit arlallit attavigiuartarpaatigut. Taamaattumik ilinniartitsisut kissaatai ilisimaarivagut. Ilisimasagut avitseqataaffigisinnaavagut. Kommuni misissuisoqarnissaanik aalajangerpat qanimut suleqataarusuppugut, IMAK-imi siulittaasoq naggasiivoq. 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER