Skip to main content

IMAK politikkikkut iliuuseqartoqarnissaanik piumasaqarpoq

Atuarfinni pisortat amerlavallaat oqimaatsorsiorlutik uniinnartarput, tamannalu atuarfiup pitsaassusaanut akornusiisarluni, ilinniartitsisut kattuffianni siulittaasoq Birthe Møller Therkildsen, politikkerit oqariartuutigisartakkatik malillugit iliuuseqartariaqarnerannik isumaqartoq oqarpoq.

Ilinniartitsisut kattuffiat IMAK qineqqusaarnermut "nuannersumut" maanna akuliuppoq.

- Qinersineq allannguisinnaavoq pitsanngortitsillunilu, siulittaasoq Birthe Møller Therkildsen tusagassiorfinnut nalunaarummi, meeqqat atuarfiata qineqqusaanermut ilanngunneqarnissaanik siunertalimmi erseqqissaavoq.

- Isumaginiaruk, atuarfiup pisortaata atuarfimmik aqutsinermik ilinniarsimasuunissaa –
amerlavallaartut uniinnartarput tamanna peqqutigalugu. Taamaakkaluartoq ajutooraanni: Isumagiuk stressimut ikiorsiissuteqarnissaq, taamaasilluni annertunerusumik ilinniartitsisut atorfimminnik tigummiinnarnissaat qulakkeerneqassaaq, politikkerinut oqariartuutigineqarpoq.

Iliuusissat tigussaasut marluk

IMAK-imi siulittaasup iliuusissat allat tigussaasut marluk, meeqqat atuarfianni  tuaqatigiinniit quliusunit sisamat anisartut aamma suliffeqalerneq ajortut imaluunniit ilinnigaqalertanngitsut eqqarsaatigalugit saqqummiuppai.

Isumaginiaruk, atuarfiit pisortaannik oqilisaassinissanik isummat pitsaasut oqariartuutit iliuuseqarfiginissaat. Isumaginiaruk atuarfinni allatsinik ilinniartitsinissaq politiikerit arlallit tapersersugaat, pisortat suliaannik oqilisaassisussap pilersinnissaa. 

Allaffissornikkut suliassat pisortap aqutsinissaanik atuarfimmullu inerisaanissamut piffissaqanngitsoortittarpaat,  IMAK-imi siulittaasoq ukioq kingulleq sinerissami pisortat nutaat 20-t atuarfinnut 80-inut agguaallugit atorfinitsinneqarsimasut oqaatigalugu erseqqissaavoq.

- Taava kingumut unammillernartut aallarteqqittarput. Taamaattumik kommunemi
aqutsinermi pisortat atuarfinni pisortat aqqutissiulluarnerusariaqarpaat, ilinniartitsisut atuartullu pisortap sullissilluartuunissaa pisariaqartippaat, allakkami erseqqissaatigineqarpoq.

Stressertoqarpallaartoq

Birthe Møller Therkildsenip oqaatigaa ukiarmi stresserneq pillugu misissuisitsinerminni paasisimallugu, ilinniartitsisut sisamaagaangata ataaseq stressernermik ersiuteqartartoq, tamannalu ulorianartuusoq oqaatigalugu.

- Kisianni suli ajorneruvoq, taakku taamaallaat pingajorarterutaat inulaarlugit stressernermut ikiorserneqartarnerat. Piffissammi tulliuttumi qinersinerit ingerlanneqartussaapput, IMAKimit qinersinissamut pissanngatigineqarpoq, kommunemi politikerit atuarfinni pisortat ilinniaqqinnissaannut pikkorissartinneqarnissaannullu tunngatillugit. Naatsorsuutigaarput pisortat pitsaasumik kivinneqartariaqartut, IMAK-imi siulittaasoq unammilligassamik apriilip arfernani qinigaallutik kommunalpolitikkerinngortussanut ingerlatitseqqiisoq oqarpoq.

Taassuma oqaatiginiagaa tassaavoq, pisortat nukissaqarluarluarlutik suliffimminni atugaqarluartut atuartunut sunniuteqarlutillu meeqqat atuarfinni ilinniartitsinermik qaffassaasartut.

Piviusumik iliuuseqarneq

- Maannakkut takutissavarput, politikkikkut piumassuseqarnerup atuarfimmut iluaqutaasussamik piviusunik iliuuseqarnermik nassataqartinneqarnissaa. Taamaasillutik meerartavut atuarnermik pitsaasumik ingerlatsinissamut qilanaarsinnaanngussaput siunissaqarlualerlutillu, IMAK-imi siulittaasoq allakkamini naggasiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER