Skip to main content

Imak-ip Qeqqata Akademi mattuppaa

Ilinniartitsisut kattuffiata Qeqqata Akademi, Qeqqata Kommuniani ilinniarfinnik pitsanngorsaaffiusoq, atorfinitsitsisinnaanera mattussiffiginiarlugu aalajangerpoq

Ilinniartitsisut kattuffiata, Imak-ip, Qeqqata Akademi atorfinitsitsisinnaanera mattussiffiginiarlugu marlunngornermiit aalajangerpoq.

Mattussineq isumaqarpoq Imak-ip ilaasortai, mattussineq atuutsillugu, Qeqqata Akademimi atorfininnissamut isumaqatigiissuteqarsinnaajunnaarnerannik. Qeqqata Akademip siorna juulip aallaqqaataaniillii Sisimiuni Piareersarfik ingerlataraa, soorlu aamma pikkorissaanernik Sisimiuni aallutaqartarfittut atorluni.

Qeqqata Akademi Imak-imut akissuteqarneq ajortoq
Imak-imit nalunaarutigineqartut naapertorlugit mattussinissamut aalajangerneq pivoq Imak-ip Qeqqata Akademi arlaleriarlutik isumaqatiginninniaqatiserisaraluareeraallu pisortat ilinniartitsisullu akissarsarsiaat sulinerminnilu atugassaat pillugit isumaqatigiissuteqarniarlutik.

- Qeqqata Akademi Imak-ilu december 2014-imi isumaqatiginninniaqatigiinniarlutik isumaqatigiissuteqaraluarput, Qeqqata Akademili takkutinngilaq tamatumalu kingorna Imak-imit saaffiginnissutit akissuteqarfigineqassanatik.

Isumaqatiginninniartoqarnissaasa tungaanut
- Imak-ip siulersuisui taamatut aalajangerput sulisut inatsisitigut illersorneqarsinnaanerat pillugu, tassami siulersuisut qulakkeersinnaanngimmassuk ilaasortat akissarsiaannut atorfeqartitaanermilu atugassarfititaasut matuma ataani aamma soraarninngornissamut atugassarititaasut imaluunniit atorfinitsinneqarnermi illersorneqarnissamut pisinnaatitaaffii naammassineqarsinnaanersut qularnat.  

Taama Imak-ip siulitaasua, Sivso Dorph, tusagassiuutinut nalunaaruteqarpoq.

Sivso Dorphip nalunaaruteqarnera naapertorlugu Qeqqata Akademimut mattussineq atuutsinneqassaaq Imak-ip aamma Qeqqata Akademip isumaqatiginninniarlutik aallartinnissaasa tungaanut.

Tamatumunngalu ilutigitillugu Imak-ip siulersuisuisa kattuffiit Nunatsinni, Danmarkimi Nunanilu Avannarlerni suleqatigisatik pissutsit pillugit ilisimatinniarpaat.

Sermitsiaq.AG-mit Qeqqata Akademi oqaaseqatinniarlugu attavigaarput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER