IMAK-ip ilaasortat pingaarutilimmik ataatsimiinnissaat kinguartipaa
Ilinniartitsisut kattuffiata IMAK-ip aalajangersimavaa sinniisoqarfiup ataatsimiinnissaata kinguartinneqarnissaa, ataatsimiinnermi isumaqatigiissutissamut nutaamut piumasaqaatit aalajangersaaffigineqartussaagaluarput.
Upernaamut kinguartitsisoqarneranut oqartussat coronamut tunngatillugu killilersuinerannit pissuteqarpoq, malittarisassat malillugit nuit kommunit akimorlugit katersuuteqqusaanngillat.
-Ilaasortagut navianartorsiortikkumanagit ataatsimiinnissap akuerineqaraluarpalluunniit ingerlanneqarnissaa kissaatiginngilarput. Ataatsimiinnissaq piumasarisinnaavarput kisiannili Naalakkersuisut taamatut aalajangiippata, ilaasortatta peqataanissartik nangaanartoqartissavaat, sulittaasoq Birthe Møller Therkildsen aalajangiisimaneq pillugu tusagassiorfinnut nalunaaruteqarnermi oqarpoq.
Ileqquusumik ataatsimiittarneq kinguartinneqartoq
IMAK-ip sinniisoqarfia 2021-mi akissarsiat pillugit isumaqatiginniarnissamut piumasaqaatit pillugit ataatsimiitussaagaluarpoq. Kattuffimmi ataatsimiittarneq ileqquusoq kinguartittariaqarsimavarput.
-Soorunami uagutsinnut tamanna ajornartorsiortitsivoq, isumaqatiginninniarnissamut piumasaqaatissagut pisarnertut saqqummiussinnaannginnatsigit, neriuppugullu tamanna upernaap ingerlanerani angumeriumaarlutigu, IMAK-mi siulittaasoq oqarpoq.