Skip to main content

Imaatigut kabeli pillugu aalajangiinissaq kinguarteqqinneqartoq

Naatsorsuinerput suli naammassinngilarput, Qeqqata Kommuniata borgmesteria pakatsisimasoq Avannaa paasissutissat ingerlaarfiannut ilaalersinnaaqqullugu iliuuseqartoqarnissaanik ujartuereersorlu Tele-Post taama nalunaarpoq

Imaatigut kabelip avannamut tallineqarnissaa pillugu aatsaat aasaru aalajangiisoqassaaq, kabelillu suliarineqarnera siusinnerpaamik 2017-imi aatsaat aallartissinnaassalluni. 

Taama Tele-Postip pisortaanertaava Kristian Reinert Davidsen nalunaarpoq, taassumalu taamaalilluni imaatigut kabelip avannamut tallineqarsinnaaneranik aalajangiiniarnerup kinguaattooqqissimanera uppernarsarlugu. Aalajangiinerup 2016-ip aallartinnerani pissasoq ukioq kingulleq novembarimi oqaatigineqaraluarpoq. 

Aasamut ataatsimeeqqissasut
- Siulersuisut imaatigut kabeli pillugu aalajangiinissaq aasarumut kinguartippaat tunngavissat pillugit pitsaanerusumik paasissu
tissinneqarsinnaajumallutik. Aalajangiinissamut tunngavissanik siulersuisunit ujartorneqartunik suliaqaleruttorpugut. Juunip qaammataata missaani tamanna naapeqatigiissutigiumaaraat ilimagaara, Kristian Reinert Davidsen oqarpoq. 

Taama nalunaartoqarpoq Qeqqata Kommuniata borgmesteria Hermann Berthelsen (Siumut) sapaatip-akunnerani kingullermi ilaatigut AG-mi sanaartornissap kinguaattoorneranik, ilaatigut kommunimi iPadinik suliniummik eqquisumik, pakatsissutiginninnerminik ersersitsereersorlu. 

Atuark: Immap naqqatigut kabelip kinguartinneqarnera isornartorsiorneqartoq

Borgmesteri kamattoq
- Kalaallit Nunaanni immap naq
qatigut kabeleqqaartussanngormat Tele Greenlandip Nuummi qullersaqarfia, Nuummi Nalunaarasuartaateqarnermi aqutsisut, Nuummi Naalakkersuisoqarfiit aaqqiissutissamik nassaarsinnaasimapput. Maannakkulli immap naqqatigut kabeli avannamut siaarniarneqartussanngormat allaanngilaq suna tamarmi unittooqqasoq, borgmesteri, suliassap tigunissaanik siunnersuuteqartoq, allappoq. 

- Ilutigalugu Tele Greenlandip taaguutini Tele Nuummut allanngortissinnaavaa, Nalunaarasuartaateqarnermi aqutsisut atorunnaarsinneqarsinnaapput, Danmarkimiillu ataatsimoortumik tapiissutinit Qeqqata Kommuniata pissarsiassai Qeqqata Kommuniani innuttaasunut Namminersorlutik Oqartussat toqqaannartumik tunniussillutik. Massakkut illoqarfiit pingaarnersaanni suliassanik uteqattaartitsiinnarani, taamaalilluni nunarput siunissami ineriartulissagaluarpoq, Hermann Berthelsen allappoq. 

Atuaruk: Diskomut immap naqqatigut kabeleqalissanngikkallarpoq

AG-imi uani sapaatip-akunnerani saqqummertumi allaaserisaq tamaat atuaruk, pisiniarfimmi imaluunniit uani ataani e-avisitut pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER