Skip to main content

Imaani kabelip ajoquteqarneranut kilisaat pisuusimaratarsinnaasoq

Imaani kabelip kittorarneranut sumiiffimmi aalisartoqarnera pissutaasimagunartoq, Tele-Post ilisimatitsivoq. Tamassuma kingunerisaanik nunap ilaani internetti kingaannerulerpoq.

Kilisaat pissutaannguatsiarpoq nunap ilaani internettikkut attaviit ajortinneranut. Tele-Post tusagassiutinut taama nalunaaruteqarpoq.

- Kilisaatersortut eqqaasikkusuppakka imaatigut kabeli immap assingini nalunaarsorneqarsimammat, angallatillu aalisariutit imaatigut kabelip qanittuani angalatillutik sissueqqissaartariaqarput. Nunatsinni attaveqaqatigiinneq pingaaruteqarluinnartoq uani pineqarpoq, ajoqutillu nalaatagut imaaliallaannaq aaqqinneqarsinnaanatik, teknikkeqarnermut IT-qarnermullu pisortaq, Jonas Hasselriis, oqarpoq.

Kilisaat ajoqusiisimasoq qulakkeerlugu oqaatigineqarsinnaanngilaq Misissorluarneqassasorli, tusagassiutinut nalunaarutigineqarpoq.

Kabeli sumiiffinni marlunni kipineqartoq

Tele-Postip uppernarsarpaa Sisimiut kujataani immap naqqani kabeli kipisimasoq. Taamaasilluni sumiiffinni marlunni kipisoqarpoq. Ataaseq Nuup Qaqortullu akornanni aamma ataaseq Sisimiut kujataani.

Kipisoqaqqinnerata kingunerisaani Maniitsumiit Kullorsuaq tikillugu atuisut internettimik kingaannerusumik atugaqalerput.

- Maannakkut ajoraluartumik iluatsitsinerliorpugut marlunnimmi imaatigut kabelinik ajortooqqavugut, tamannalu atuisutsinnut amerlaqisunut kinguneqarnerlulluni. Iliuusaasinnaasulli tamaasa atorlugit pisoq pitsanngorsaaviginiarsaraarput. Pilersuisorisagut qanimut suleqatigaagut maannalu angallammik imaatigut kabelinik ajoqusersimasunik aaqqissuisinnaasumik nassaarsimalluta, Jonas Hasselriis taamatut oqaaseqarpoq.

Ajoqusersimanerilli aaqqissuunnissaat sivisusinnaavoq, umiarsuarmi aaqqissuinermut atugassaq maannakkut allamik suliaqarallarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER