ajutuulernermi kalerrisaarutit
Imaani ajutuulernermi kalerrisaarutinut atuisimanermut ingerlatseqatigiiffik 60 millionissaqartoq
Danmarkimi imaani ajutuulernermi kalerrisaarinermut taarsiullugu TDC naalagaaffimmit 60 millionit koruunissaqarpoq. Kalaallit Nunaanni ajutuulernermi kalerrisaarinermut piumasaqaat itigartinneqarpoq.
Danskit naalagaaffiata TDC 60 millionit koruuninik akilissavaa, Danmarkimi kiffartuussinermut imaani ajutuulernermi kalerrisaaraluni sianersinnaanermut periarfissaqartitsisumut atatillugu.
Tamanna Østre Landsretimi aalajangiinerup kinguneraa, eqqartuussivik tusagassiuutinut nalunaarummi allappoq.
Danmarkip 2012 sioqqullugu umiarsuit ajutuulernermi kalerrisaarinerannut akiligassaq TDC-mut ingerlateqqittarsimanera EU-mi eqqartuussiviup 2016-imi naqissusernerata kingorna taama eqqartuussisoqarpoq.
Taamaattumik TDC ingerlatseqatigiiffiup akilersimasaanut taarsiiffigitissinnaavoq. Taarsiiviginninneq piffissami 2008-mit 2009-mut atuupppoq.
TDC-p 216 millionit koruuninik akilerneqarnissani piumasarigaluarpaa, tassani aamma Kalaallit Nunaanni piffissami 2010-2012 kiffartuussineq ilanngunneqarpoq.
Kisianni tassani TDC piumasaqarnermini ilalerneqanngilaq.
- Nunap eqqartuussisuuneqarfiata eqqartuutitinneqartoq piumasaqaatinut Kalaallit Nunaanni amigartoornernut pissutaasunut pinngitsuutinneqarput, eqqartuussivimmit oqaatigineqarpoq, tassani Kalaallit Nunaata EU-mut ilaasortaannginnera tunngavilersuutigineqarpoq.
TDC Groupimi taanna eqqartuussut 119-nik quppernilik atuaqqissaarneqassaaq, tassanngaanniillu qisuariartoqassalluni.
- Eqqartuussivimmi aalajangiisoqarnera naammagisimaarparput, TDC aamma naalagaaffimmit katillugu 100 millionit koruunit sinnerlugit pissarsissaaq, pisortaaneq Jens Aaløse allagaqarluni oqaaseqarpoq.
- Aningaasat taakku akilersimasussaanngikkaluarpagut, Østre Landsretip tamanna ilalermagu naammagisimaarparput, tamanna naalagaaffiup nammineq 2012-imili ilisimasimavaa, taanna ilanngullugu oqarpoq.
2012-imiik imaatigut attaveqaatit naalagaaffiup akilernissaat akisussaaffigilernikuuai.