Ilusilersuisartoq nutaanik nukissanittoq: Toqup tinnersaraa
Louise Lynge Berthelsen aatsaat ilungersunartumik napparsimalerami aallarnisaasutut aallartippoq.
Testamentiliortariaqarputit.
2011-mi Louise Lynge Berthelsen kræftimut katsorsartimmat nakorsat taama ersaritsigisumik oqarfigaat.
Tamanna qaammatialunnik sioqqullugu Louise niuernermik siunertaqarluni angalanermini inuummarliulerpoq. Arlaleriarluni nakorsiarpoq antibiotikanillu katsorsarneqarluni, iluaqutaanngimmatali Louisep misissortinnissani ilungersuutigaa. Sisamanngornermi kræfterluni paasivaa; kræftilu ima ingerlereersimatigaaq ataasinngornikkut suliaritilluni. Ukiup affaani katillugit sisamariarluni suliaritippoq.
- Kræfti sakkortoqaaq. Sakkortunaaqaara, Louise anersaarululluni oqarpoq ilummullu anersaarujussuarluni.
- Maannakkut peqqippunga, kingumullu eqqarsaraangama eqqarsartarpunga: ”Qanoruna iliorsimasunga”. Inuuinnarnissarli kisiat ilungersuutigineqartarpoq. Uannut meeqqakka pingaartuupput, oqarpoq.
Louisep inuunerani piffissap taassuma nalaani naatsorsuusiortumut ikiortitut sulisimavoq. Ilusilersuisartuuneq inuussutigisinnaanagu eqqarsarsimavoq, ilusilersuisartutullu ilinniarsimasuugaluarluni aalajangersimasumik akissarsiaqarluni sulinissaq ajornannginnerummat toqqarsimavaa.
- Illua’tungaanut pigama sulili misissortikkiartortarlunga eqqarsarpunga: ”Aqagu toqussaguma inuit qanoq eqqaamassavaannga? Louise naatsorsuusiornermi ikiorti? Ilusilersuisartutut ilinniarsimavoq, naatsorsuusiortumulli ikiortaalluni” NAAMIK!..Naamik! Taamatut eqqaamaneqarusunngilanga, Louise aalajangersimarpalulluni oqarpoq.
Nuuk Couturemeersup Louise Lynge Berthelsenip ilisaritinneqarnera tamaat Arnanummi nutaami saqqummeqqammersumi atuaruk: