Ilulissat: Saqqummersitsivik kinguartinneqarpoq

Kalaallit nunaanni aalisarnermik aamma piniarnermik pillugu saqqummersitsineq kisiartaasoq 'PolarExpo' Ilulissani ukiaru pisussaagaluaq aappaagumut kinguartinneqarpoq

PolarExpo, aalisarnermik piniarnermillu saqqummersitsiviusoq, Ilulissani oktoberimi pisussaagaluaq kinguartinneqarpoq.

Coronavirus pissutaalluni kinguartinneqartariaqalersimasoq ilisimatitsissutigineqarpoq.

Tamanna tusagassiutinut nalunaarummi ilisimatitsissutigineqarpoq. PolarExpo oktobarip arfernganit arfineq pingajuat ilanngullugu pisussaagaluarpoq, oqartussalli killilersuinerat pissutaalluni pisussaq kinguartinneqarpoq.

Aappaagumut kinguarpoq

Upernaaru saqqummersitsisoqassasoq ilisimatitsissutigineqarpoq.

- Qaqagorpiaq ingerlanneqarumaarnersoq nalunaarutigineqarumaarpoq. Avannaata Kommunia, KNAPK aamma Arctic Consensus ataatsimeeqatigineqareerpata avammut nalunaarutigineqarumaarpoq, aaqqissuisut Aalborg Kongres & Kultur Center tusagassiutinut nalunaarummi allapput.

Saqqummersitsineq ingerlanneqarpat seminarertitsisoqassaaq, saqqummiisoqassalluni, nunanit tamalaanit peqataaffigineqassalluni.

Powered by Labrador CMS