Ilulissat: RAL-imi sulisut suliartoqqipput
Ilulissani Royal Arctic Linemi sulisut ataasiakkaat aqutsisunik aaqqiagiinngissuteqarlutik pingasunngormat sulinngillat. Maanna suliartoqqissimasut nalunaarutigineqarpoq.
Annonse
Royal Arctic Linemi sulisut aqutsisullu aaqqiagiinngissuteqarnerat pissutaalluni, sulisut ataasiakkaat suliartunngillat pingasunngormat.
Tamanna Royal Arctic Linemit Ivalu Kleistimit pingasunngormat uppernarsarneqarpoq.
Suliumajunnaartoqanngilaq
Sulisut suliumajunnaaraluartut suliffimminnut ullumi suliartoqqissimasut umiarsuaatileqatigiiffik ilisimatitsivoq.
- Royal Arctic Linemiit nalunaarutigisinnaavarput suliumajunnaartoqarnera pineqanngimmat kisiannili sulisut ataasiakkaat suliartorsimannginnerat pineqartoq. Sulisut pineqartut tamarmik ullumikkut suliartorput, umiarsualivillu naliginnaasumik ammalluni, nalunaarutigineqarpoq.
Sulisut aqutsisullu suna aaqqiagiinngissutigisimaneraat ilisimatitsissutigineqanngilaq.