Skip to main content

Ilulissat: Nunatsinni arsaattarfiit akisunersaat nuannarineqarluarpoq

Naak unammillernartoqartaraluartoq Ilulissani ivigaasaaqqanik arsaattarfik innuttaasunit nuannarineqarluarpoq. Arsaattarfiup pilersinneqarnera naatsorsuutigisamit marloriaammik naatsorsuutigisamit akisunerulluni pilersinneqarpoq

Ilulissani ivigaasanik arsaattarfik qaammammi matumani atoqqaarfissiorneqarpoq.

Naak arsaattarfissap suliarinera kinguaattoorsimangaluartoq utaqqilussinnartoqanngitsoq Avannaata Kommunia nittartakkamini allappoq.

- Ivigaasaaqqanik arsattarfik amerlasuunit atorneqangaatsiarpoq. Arsaattarfik klubbinit kiisalu meeqqanit inuusuttuniillu sunngiffimmi atorneqarluaqaaq. Allaammi ulloq unnuarlu arsaattarfimmiittoqartarpoq, Lene Ravn Davidsen oqarpoq, taanna  Nagdlúnguak' 48-mi siulersuisuni siulittaasuuvoq.

Unamminartut

Arsaattarfissamik suliaqarnermi naatsorsuutaanngitsunik unammillernartunik nalaarsiffiuvoq. Arsaattarfiup natia naatsorsuutigisamiit ilaatigut itinersaqartarsimavoq allaat 10 meteri qaangerlugu itissusilinnik. Taamaakkaluartoq maanna arsaattarfiusimasuminngarnit pitsaanerulluni.

Tamatuma kinguneraa sanaartorneq pilersaarutaasumiit annertunerusimammat, taamaasillunilu akisuneru-jussuanngorlunilu piffissartornarnerusimavoq. Aningaasaliissutit aallaqqaammut kr.10.5 mio.-put naatsorsuutaasimasut suliniutaasumut matussutissiisussat, taakkuli annerusumik toqqavissatut suliamut atorneqar-nerusimallutik. 

Naatsorsuutigineqartumit akisunerusoq

Taamaattumik 2019-mi missingersuutinut ilassutissanik aningaasaliisoqarpoq kr.5.2 mio-nik ujaqqanut natilersuutissanut ivigaasanillu pisissutissanik. Paasinarsivorli taakku naammanngittut aningaasal-lu sinneruttut nassaariniarneranni aningaasaliissutaasuni atorneqanngitsuni kr.4.5 mio-t allannguinikkut tigusariaqarsimallutik, suliniutinut allanut immikkoortitaangaluanit, arsaattarfissaq inaarsarniarlugu.

- Soorunami uggornarpoq suliniut ilimagisamiit akisunerulermat, tamannami siumut qulakkeerneqartuaannarsinnaasanngilaq. Atugassarititaasut nunami ilutsimigut issusiagut misissuiffiusimanngitsumi sanaartorneq taamaappoq. Nunaminertamili avatangiisaasumi misileraalluni qillerineqartarsimavoq suliniummut tunnga-vilersuutaasumik.

Maannali Ilulissat, Kalaallit Nunaanni illoqarfiit anginerit ilaat, kingulliit ilaattut ivigaasaaqqanik pisariaqarte-qisaminik pisaarpoq. Taamaasillunilu naggataagut Kalaallit Nunaanni  arsaattarfiit akisunersaannik peqalerunarluni, Karl Madsen, teknikkeqarfimmi pisortaaneq, oqarpoq.

Naak arsaattarfik piareerluni atorneqalereeraluartoq, suliaq suli naammassineqanngilaq. Arsaattarfik ungalu-lerneqassaaq ungasinnerusumilu isiginnaartarfilersorneqassaaq biilinullu uninngatitsiviliortoqarluni. Arsaat-tarfimmik atuisut periarfissat nutaat assut nuannaraat.

- Nuanneqaaq arsaattartut tamarmik sungiusarluarnerusinnaalermata maavaarnerusumik toqqaveqarlutik, Lena Ravn Davidsen oqarpoq, oqaaqqissaaruteqarlunilu.

- Arlalinnik atuisutut aaqqitassaqarpugut arsaattarfik paarilluarniarlugu. Ilaatigut eqqakkat aamma tikikummikut. Aammali aserorterineq sapinngisamik pinngitsoortikkusutarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER