Skip to main content

Ilulissat: Nunami eriagisamut ingerlasinnaanermut immikkut akuersissuteqartoqarpoq

Avannaata Kommunia Unesco-p nunarsuarmut kingornussassiaatigut Ilulissat aammalu Kangiata akornatigoortukkut ukiuunerani aqqutiliatigut motoorinik ingerlatilinnik ingerlaartoqarsinnaaneranut immikkut akuersissuteqarpoq.

- Ukiuunerani aqqutissiatigut ingerlaartoqarsinnaaneranut Avannaata Kommunianit periarfissiisinnaanerput nuannaarutigaarput. Pingaartumillu illoqarfimmi inuussutissarsiuteqarnermut aammalu tunisassiorfiit tunisassiassanik pilersorneqarnerannut pingaaruteqaqisumik aalisartut takornariaqarnermillu sullissisut aqqutissiatigut ingerlaarsinnaalernerat nuannaarutigaarput.

Avannaata Kommuniata Ilulissanit Kangianut ukiukkut ingerlaarsinnaanermut immikkut akuersissuteqareersoq borgmesteri Palle Jerimiassen kommunip nittartagaanut oqarpoq.

Kommune ingerlaarsinnaanermik arlalinnit qinnuteqarfigineqareersorlu immikkut akuersissuteqartoqartoq ilisimatitsissutigineqarpoq.

Ukiuunera tamaat

- Taamaasilluni qamuteralaat atorlugit aalisakkanik assartuisinnaanermut, takornarianik angallassisinnaanermut innuttaasullu nalinginnaasumik ingerlaarsinnaanerannut periarfissiisoqarpoq, kommuni allappoq.

Aqqutissiatigut immikkut akuersissuteqarnikkut ingerlaartoqarsinnaalerneq 2020-mi januaarip 23-aniit 2020-mi ukiuunerani atuutissaaq. Ingerlaarsinnaanerullu qaqugu unitsinneqarnissaa Avannaata Kommunianit nalunaarutiginerumaarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER