Ilulissat: Eqqaavissuaq suli ikuallappoq
Ilulissani upalungaarsimanermut ittuusoq ippassaq arfininngornermi nalunaarpoq, ikuallanneq suli ikumasoq aammalu pujuliornera annertuumik ulorianartumik pujuliortoq.
Inneq takuneqarsinnaanngilaq, kisiannili ikuallanneq eqqakkat ataanniittoq ikummarippoq taamaattumik qaminniarnera ajornakusoorluni.
- Anersaartorniarnermi putsup ulorianartup najuussornissaa ikuallaffiup eqqaani navianaateqarpoq, taamaattumik upalungaarsimanermut pisortap innuttaasut piumaffigai, Ilulissani mittarfiup aqqutaaniit ungavarsimaniaqqullugit, qatserisartut qamisaaniarnerminnut akornusersorneqarmata, politiit tusagassiutinut nalunaarummi allapput.
Politiit massakkut piffimmiipput innuttaasullu qimagussortillugit. Innuttaasut putsumit iluaalliuteqarpata qinnuigissavagut sumiiffigisaminni peqqissaavimmut attaveqassasut.
- Illoqarfimmi sumiiffinni pujoqarnermiittut innuttaasut qinnuigissavagut isersimaannaqqullugit, taamatullu igalaatik, matutik aammalu silaannarissarfiit matooraqqullugit, nalunaarutigineqarpoq.
Arktisk Kommando, Air Greenland aamma Mittarfeqarfiit, Ilulissani upalungaarsimasut qamisaaniarneranni maannakkut ikiuupput.