Ilulissat: Biilit 26-t nummerpladeerneqartut
Ilulissani biilit 26-t akitsuutinut akiliisimannginnamik nummerpladeerneqarput
Ilulissani biilillit arlaqartut akitsuutinik akiliisimannginnami uggornartumik kinguneqarpoq.
Tassami Ilulissani politiit tallimanngormat biilinit 26-nit nummerpladit peerpaat. Akileraartarnermut Aqutsisoqarfiup piumasaqarnerata kingorna tamanna pivoq, piginnittut pineqartut – suliffeqarfiit aamma inuit – akitsuutinik akiliisimanngimmata.
Kalaallit Nunaanni Politiit Facebookimi taama allapput.
- Taamaattumik politiiit innersuussutingaat akitsuummut akiligassat eqqummaariffigeqqullugit siunissami taamak pisoqannginnissaa anguniarlugu, ilanngussami tamanna allaqqavoq.
Suliffeqarfiit aammalu inuit pineqartut aqqusinikkut angallatitik nalunaarsorteqqissinnaavaat akiligassatik akilereersimagunikkit, aammalu uppernarsaammik takutitsinikkut.