Skip to main content

Ilulissat unnuakkut tillinniarfiusaqattaartoq

Suliffinni matu paarnaarnissaa eqqaamajuk, tillinniarfigitinnissallu qanoq pinngitsoorsinnaanerlugu eqqarsaatigiuk, Ilulissani politiit taama kaammattuipput

Piffissami kingullermi Ilulissani suliffeqarfinnut pisortallu suliffeqarfiinut tillinniartoqaqattaartarsimavoq.

Tillinniarnerit amerlanerpaartaat unnuakkut ullaassakkullu nalunaaqutap pingasut arfernullu akornanni pisarput.

- Suliffeqarfik qimatsillugu igalaat matullu matoqqanissaat taamaammat kaammattuutigeqqissavarput, kiisalu aningaasanik aningaasanngortikkuminartunilluunniit qimatsisoqartannginnissaa, Sebastian Bech, Ilulissani politiini aqutsisoq oqarpoq.

Atuaruk: Ilulissani toqutsisoqarneranik politiit takunnittunik ujartuipput

Taassuma saniatigut suliffeqarfinni nakkutilliinikkut videoliat politiinut tunniunneqarnissaat aamma kaammattuutigineqarpoq, tillinniarnernut paasiniaanertut atugassatut.

Innuttaasut pisiassanik tillinniarnermeersinnaasunik neqeroorfigineqassagaluarunik aamma politiinut attaveqaqquneqarput.

Ataatsimut aaqqitsigu
Suliffeqarfiit tillinniarnernut qanoq isumannaallisaanissamik ilitsersorneqarnissamik kissaateqarunik, Ilulissani politeeqarfimmut tikilluaqqusaaput, Sebastian Bech nalunaarpoq.

Atuaruk: Angallatinut nuannaariutinut aserorterinerit tillinniarnerillu

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER