Skip to main content

Ilulissat qallikkamik ivigaaraasanik arsaattarfittaassaaq

Qaammatip tulliani pilersaarut inissinneqassaaq. Ukiut marluk affarlu missaa qaangiuppata arsaaffik ammarneqarnissaa pilersaarutaavoq

Isikkammik arsarnerup tungaatigut nutaarsiassarujussuaqarpoq.

Ilulissani suleqatigiit sulerulullutik illoqarfimmi ivigaasaaqqanik arsaaffeqalernissaa suliuniutigisimavaat.

Ukiuni arlaqartuni suliniut suliarereerlugu suleqatigiit siulittaasuat, Knud Fleischer, ivigaasaaqqanik arsaaffik qalilillu piviusunngungajalersoq oqarsinnaavoq.

- Suliniutip akuerineqarneranut atsioqatigiinnissat kisiisa amigaatigaagut, Knud Fleischer nuannaarluni Sermitsiaq.AG-mut oqarpoq.

Sivisooq
Ukiut sisamat matuma siorna arsaaffimmi qalilimmi pilersitsiniarneq aallartippoq, suliaq ingerlatillugu pilersaarutit annertusigaluttuinnarsimapput. 

- Innuttaasunut tamanut sammisaqartitsiviussaaq. Aammalu arsaaffik Fifamit akuerisaasuussaaq, Nunatsinni isikkammik arsarluni pissartanngorniuffiusinnaasoq, Knud Fleischer oqarpoq, ilisimatitsissutigaalu sammisaqartitsivissaq 100 meterisut takissuseqassasoq 70 meterisullu nerutussuseqassalluni.

Siullermik assallaaneq
Illoqarfimmi aamma Danmarkimi suliffeqarfiit suleqatigisimavai. Titartaasarfik 'Vandkunsten' Københavnimiittoq, centerissap titartarneqarnissaa isumagissavaat, qaammatillu tulliani Ilulissanukassapput suliaq inaariartorlugu.

- Aasaru siullermik assallaasoqarnissaa pilersaarutaavoq, centerilu ukiut marluk affaalu qaangiuppata ammanneqarsinnaassaaq, suleqatigiit siulittaasuat oqaluttuarpoq.

Illoqarfinnut allanut kaammattuisoq
Sammisaqartitsivik Seersuit kollegiat eqqaanni maanna qimmeqarfiusumi inissisimassaaq.

- Suliniutip maanna piviusunngulernera tulluusimaarutigeqaara. Ukiut ingerlanerini aporfeqarsimaqaagut, maannakkulli piviusunngorsinnaanngorpoq, Knud Fleischer oqarpoq.

- Aamma illoqarfiit allat taama ilioqqullugit kajumissaaginnassavakka, tassami kikkut tamarmik timersornissamut periarfissaqartariaqarput. Misilittakkakka illoqarfinnut allanut ingerlateqqissavakka, assingusumik pilersaarusiorsinnaaniassammata, Knud Fleischer oqarpoq, neriuutigaalu isikkammik arsarluni Nunatsinni pissartanngorniunnerit 2018-imi ivigaasaaqqani ingerlanneqarumaartut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER