Ilulissat
Ilulissat: Perlunnera pissutaalluni mittarfimmut aqqut matuneqarpoq
Ilulissani Hotel Arcticimi mittarfiup tungaanut aqqut silap perlunnera pissutaalluni matuneqarpoq
Ilulissani silarlunnera pissutaalluni illoqarfimmi meeqqat atuarfii marluk sisamanngornermi matugallarneqarpoq atuartullu angerlakaatinneqarlutik.
Hotel Arcticimit mittarfiup tungaanut matuneqartoq Qaasuitsup Kommunia tusagassiuutinut nalunaaruteqarpoq.
- Matumuuna nalunaarutigineqarpoq perlunnera pissutigalugu Ilulissani mittarfimmut Aqqut, Hotel Arctic eqqaaniit biilertunut matuneqarmat, pinartoqarnermi angallassissutit pineqanngillat, Qaasuitsup Kommunia naatsumik nalunaaruteqarpoq.
Ilulissani meterimut 28-29-nik anorlertussaasoq DMI-mi nalunaarutigineqarpoq. Anorlernera sisamanngornermi qatsoriartortussaagaluartoq atuartut aatsaat ataasinngornermi atuariartussapput.