Skip to main content

Ilulissani ullut qulit aallarneq ajuleqqasut: Nuanninngilaq

Morten Jepsen VVS-itut namminersortoq, ilaquttanilu Ilulissani ulluni qulini aallarneq ajuleqqapput. Taakkut illoqarfiup akunnittarfii unnuiffgalugit tamakkersimavaat, pisulli uiverfiusimallutik.

Ulluni kingullerni Ilulissani assut uivertoqarpoq.

Silap pissusaa timmisartulli teknikkikkut ajoquteqallattaarnerisa timmisartuussinissarpassuungaluit taamaatittariaqarsimapput tamatumalu kinguneraa ilaasussat hunnorujukkuutaat illoqarfimmi aallariaqqinneq ajulernerat.

Ilaasussat ilagaat Morten Jepsen, ulluinnarni Qaanaami VVS-itut namminersortoq. Taanna ilaquttani ilagalugit Danmarkimut feriarsimavoq, pingasunngornermilu juunip ulluisa 21-ni, Inuiattut ullorsiornermi, Ilulissaniit aallariaqqinneq ajulersimasut.

- Nuanninngilaq. Sumiiffinni arlalinni uinnuisaqattaarsimavugut. Hotel Arctic-imi, Hotel Icefiord-imi, suna tamangajaat misilipparput. Unnuk ataaseq inissaqartinneqarsimanngilagut, qujanartumilli iluatitsilluta unnuiffigisinnaasatsinnik nassaarsimalluta, Morten Jepsen Sermitsiaq.AG-mut oqarpoq.

Utertariaqarsimasut

Massakkut taanna ilaquttanilu mittarfimmiipput. Taakku sisamanngormalli ullaaq manna aallarsinnaasut kalerrinneqarsimapput, pisattaminillu tunniussereersimallutik. Kisiannili ullumi angerlamut apuunnissaannik tamanna qulakkeerinnittuunngilaq.

Aamma atuaruk: Ilaasut 350-t Avannaani ingerlaqqinnaveertut

Ataasinngormat, juunip ulluisa 26-ni najukkaminnit 100 meterinit taamaallaat ungasitsigisumiissimapput. Timmisartummi teknikkikkut ajoquteqarnera pissutigalugu ilaasut paasitinneqarsimapput timmisartoq missinnaasimanngitsoq. Taamaammat timmisartoq utertariaqarsimavoq, naak Qaanaap qulaaniilereeraluarismasoq Ilulissanulli utertariaqalersimalluni.

. Tamanna uatsinnut sakkortunerpaavoq, isumaqaraluarsimavugummi angerlamut apuutissalluta. Tassani ullut tallimat kinguaattoorreersimavugut. Apuuffissatsinnulli taama qanitsigilereersimalluta utertariaqalersimanerput sakkortunerpaavoq, Morten Jepsen oqaluttuarpoq nangillunilu:

- Silap pissusaanut ajornartorsiutit pillugit tamanna qanorluunniit iliuuseqarfigisinnaanngilarput. Teknikkikkulli ajoquteqarnerit pineqartillugit, soorlu ataasinngormat taama pisoqartoq, tamanna assut narrujuummernarpoq.

Suliffeqarfiutaanut sunniuteqartoq

Aasaanerani feriarneq tassanngaannartumik ulluni qulinik sivitsorneqartoq, Morten Jepsenip suliffeqarfiutaanut sunniuteqanngitsuunngilaq.

- Soorunami suliffeqarfinnut aamma sunniuteqassaaq, tamaanimi uninnganera naleqarpoq, Morten Jepsen oqarpoq, taassuma Ilulissani pisut uivernertut nalilerusuppai.

- Assorsuaq uivertoqarpoq, tamanna qularutigineqarsinnaanngilaq. Tamaani unnuisarfiit tamarmik inniminneneqarsimanerit peqqutigalugu inuit arlallit unnuiffissaaruttut tusarsimavarput. Taamaammat pisoq sakkortuvoq, Morten Jepsen oqarpoq.

Aamma atuaruk: Ilulissani uiverneq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER