Ilulissani mittarfissualiornissaq borgmesterip sulissutiginiaraa
Avannaata Kommuniani borgmesterip Siumumeersup Inatsisartunut qinersinissamik nalunaaruteqarneq pakatsissutigaa. Tamanna Ilulissanut kingunerlussinnaasoq, borgmester Palle Jerimiassen isumaqarpoq
Avannaata Kommuniani borgmesteri, Palle Jerimiassen, Siumut, mannaakkut Inatsisartunut qinersisoqartussanngornera pakatsissutigalugulu tupassutigaa.
Sermitsiaq allappoq.
Taannami isumaqarpoq aalisarnermut inatsit, Kalaallit Nunaanni aalisartoqarfiit annersaannut, Avannaata Kommunianut, pingaaruteqaqisoq, naammassillugu suliarineqaqqaarsimasariaqaraluartoq.
– Mittarfissualiornikkut Avannaata takornariaqarfiit annersaattut inissisimanera qulakkeersimaneqartuassaaq. Qeqqata Kommuniani politikerit Kangerluassuarmi mittarfeqartuassasoq kissaatigaat. Eqqaamasariaqarporli Kangerlussuaq inoqajuitsumiimmat. Taamaattumik Ilulissani mittarfissualiornissamik takorluukkap ajalusoortinneqannginnissaa sulissutigissavarput, borgmesteri oqarpoq.
Maannakkullu Naalakkersuisoqatigiit Siumut, Inuit Ataqatigiit aamma Partii Naleraq, qinigaaffik naallugu suleqatigiissinnaanngimata uggornartuusoraa.
Allaaserineqartoq aviisimi Sermitsiami sapaatip akunnerani matumani saqqummersumi tamakkiisumik atuarneqarsinnaavoq. Aviisi uani pisiariuk: