mittarfiit
Ilulissani mittarfissap illuaqqat arlallit peersissavai
Illoqarfinni pingasuni mittarfissat pillugit tusarniaanermut atortut Kalaallit Airportsip nassiussorlugit ulapippoq. Ilulissani mittarfiup nunap ilusaa qanoq sunniuteqarfigissaneraa ullumikkut takuneqarsinnaavoq.
Sapaatip-akunnerata aallartinnerani mittarfeqarfinnik ingerlatseqatigiifiup ASN-imik nalunaarusiat Nuummi mittarfissamut tusarniaassutigalugit nassiuppai. Ilulissani mittarfimmut ASN-imik nalunaarusiat tusarniaassutigineqarlutik ippassaq nassiunneqarput, innuttaasullu maalaaruteqarnissaminnut januaarip 24-ata tungaanut periarfissaqarput. Novembarip 15-ianni Qaqortumi mittarfiup tusarniaassutigineqalissaaq.
Sanaartorneqarnera
Sanaartorneqarnerani nunami ammasumi annertuumik malunnaateqartussaasoq, nalunaarusiami aturneqarsinnaavoq. Kisianni Nuummi mittarfimmut sanilliullugu illoqarfimmut ungasinnerusumi inissisimavoq, Ilulissanilu innuttaasut ulluinnarni mittarfik nutaaq malugivallaarnavianngilaat.
Kranit/maskiinat aamma qaammaqqutit sumiiffimmut tamarmut takussaassapput ammasumik iluseqarnermik peqquteqartumik, takussaasumik sunniuteqartussamik, nalunaarusiami tamanna atuarneqarsinnaavoq.
Kisianni sanaartorneq naammassippat, nunap ilusaa annikinnerusumik sunnerneqassaaq, tamanna nalilerneqarpoq.
Aamma atuaruk: Assit takukkit: Mittarfiup nutaap Nuup isikkua allanngortissavaa
- Suliniutip kinguneranik takussaasuumik sunniutit nalilersuiffigineqarput akunnattutut sumiiffimmi Ilulissat illoqarfiata avannaani. Sumiiffimmi takussaasumik isikkut aamma sinerissap killinga annertuumik allannguuteqassapput, pissutigalugu qaqqat annertoorujussuit piiarlugit qaartiterneqassammata, aamma sinerissap ilaa nunniorneqassammat. Sumiiffimmi Ilulissat illoqarfiani aamma kujasinnerusumi UNESCO Ilulissat Kangiani nalilersuiffigineqarpoq mittarfiup nunap isikkuanut sunniutaa minnerussasoq, pissutigalugu sanaartukkat, teknikkikkut atortorissaarutit aamma nuna, mittarfimmut isikkivimmik annikillisitsinnaammata, tamanna atuarneqarsinnaavoq.
Illuaqqat peerneqassapput
Mittarfissap nutaap kitaata aamma avannaata tungaani ullumikkut illuaraqarpoq, taakku peerneqartariaqassapput.
- Illerngit aamma pisuttuarluni aqqut mittarfiup kangianut allanngortinneqassaaq aamma illuaqqat arlallit mittarfiup kitaata /avannamut kitaata tungaaniittut peerneqassapput. Sumiiffiup isikkua allanngussaaq qaqqami nunap isikkuanit mittarfimmit aamma timmisartumit minnermit annikitsumik sunnerneqartumit nunap isikkuanut timmisartup aamma mittarfiup nunap isikkuanik ullumikkumit annertunerusumik sunniisumut, tamanna oqaatigineqarpoq.
Ilulissat mittarfiani takusassiat tamarmik takukkit
Takusassianik arlalinnik saqqummiussisoqarpoq - tassani mittarfiup siornatigut isikkua piareerneratalu kingorna qanoq isikkoqarnissaa takusassiarineqarluni.
Uani ataani takusassiat takukkit: