KNI saqqummersitsisoq
Ilulissani KNI saqqummersitsinerani pilerngunneqarpoq
KNI saqqummersitsisarnini iluatsilluarsimavaa, arfininngormallu Ilulissani innuttaasut saqqummersitsinermut soqutiginnilluarsimapput. Upernavimmilu innuttaasut juulip ulluisa aallaqqaataani saqqummersitsinissamut qilanaalereersinnaapput.
KNI-mi sulisut 40 missaanniittut leverandørillu 10 missaanniittut, pisiniat takusassaqarnissaat attungassaqarnissaat pisiassaqarnissaallu isumagaat. Ukiup siulianut sanilliullugu nioqqutissat ukioq manna toqqangassat amerlanerujussuupput.
Pølsit pilerngunneqartut
Aalisarnermut atortut, Neqi A/S-imit savap neqaanik nerisassiat assigiinngitsut, KNI Engros-imit suliffeqarfinnut atortut Pilersuisumiillu nerisassat assigiinngitsorpassuit umiatsiallu Poca-minngaanneersut immikkut soqutigilluinnarneqarsimasut, KNI tusagassiuutinut nalunaarummini paasissutissiivoq, pølsevognimilu pølsit pilerngunneqarsimasut ilanngullugu nalunaarutigaat.
Niuffannermi akunniliisarlutik aliikkusersuisuupput nuannarineqarluartut NAIP, meeqqat tamarmik ballonnginnatsinneqarlutillu candyflossinnatsinneqarput. Nalunaaqutaq marlunut kikkunnulluunniit soqutiginnittunut arpatsitsisoqarpoq, piumasut pisuttuarlutik cykelerlutillu. Peqataasut tamarmik imerfimmik pinnatsinneqarput.
Saqqummersitsinissaq tulleq
Saqqummersitsineq tulleq illoqarfinni ukunani pissaaq Upernavik 1. juli, Uummannaq 17. juli kiisalu Tasiilaq 2. september.