Ilulissani Kangiata illorsuassaa nappaanersiorneqartoq
Ilulissani Kangiata illorsuassaa pingasunngormat nappaanersiorneqarpoq
Kangiata illorsuassaata maanna napparneqarsimalernera sanasunit KJ Greenlandimeersunit, Realdania By & Bygimut, kommunimut aamma Namminersorlutik Oqartussanut sinniisunit pingasunngormat nalliuttorsiutigineqarpoq.
- Uppik maanna missimalereerluni isikkani qaqqami maani maggusimatilerpai. Maanna meqqorissarsinnaalerpoq tamatsinnullu malugeqqusaalerluni, Realdania By & Bygimi suliniutinut aqutsisoq, Frants Frandsen, tusagassiuutitigut nalunaarut naapertorlugu oqarpoq.
- Illorsuup salliligartarsui sisaasut napparneqarsimalereerput igalaartarsuilu inissinneqareerlutik. Sanaartugaq matujartuaarneqarluni inissikkiartorpoq sananeqaatsimigullu kusanassutsi ersersikkiartuinnarlugu. Illorsuup sananeqaatai oqimaatsorujussuit peqqissaarussilluinnarnissamik piumasaqaatitallit maanna inissereerpasi. Tamatumani oqaannassaanga – torrallaavusi, Frants Frandsen oqarpoq.
- Suliap inernera kusanarluinnartoq piffissap sivikitsuinnaap ingerlanerani naammassineqarsimavoq. ”Nivariarneq siulleq” qaammatit sisamat matuma siorna pivoq. Ullumili nappaanersiorsinnaanissatsinnut ukiut 15-it matuma siorna nunap matuma Nunarsuarmi Kingornussassatut UNESCO-mit 2004-mi toqqarneqarneraniit allartippoq.
- Sanaartortoqartillugu ukiut 15-it sivisuginarsinnaapput. Sanaartukkamiilli sumiiffik nuna manna pinngortitatigut oqaluttuarisaanikkullu ukiuni tusintilippassuarni utoqqaassuseqartoq qiviariarutsigu ukiut 15-it uisoreriarnerinnaavoq. Ilaatigullu tamakkuupput Kangiani Illorsuaq naammasseriarpat oqaluttuarisartagassagut.