Ilinniarneq
Ilulissani ilinniarnertuunngorniarfissaq sulissutigineqaqqilerpoq
Isumaginninnermik siunnersortitut ilinniarfik nuunnagu ilinniarnertuunngorniarfimmik ammaanissaq sulissutigineqaannalerpoq
Ilulissani ilinniarnertuunngorniarfimmik ammaasoqarnissaanik ukiorpassuarni kissaateqartoqareersorlu piviusunngortinneqartussanngorunarpoq, pisortat suliffeqarfiutaannik nussuinissamik Naalakkersuisut pilersaaruteqarnerannut atatillugu Inunnik isumaginninnermi siunnersortitut ilinniarfiup Ilulissanut nuunneqarnissaraluanut taarsiullugu pilersinniarneqalerunarluni.
– Aap, ilumoorpoq Ilulissani ilinniarnertuunngorniarfimmik pilersitsisoqarsinnaanera saqqummiukkakku, Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq, Doris J Jensen, Ilulissani Naalakkersuisut innuttaasunik januaarip 23-ianni ataatsimiisitsineranni oqariartuuteqarsimanini pillugu naqissusiivoq.
Naalakkersuisut politikkikkullu ataqatigiissaarisut Ilulissani Hotel Arcticimi ulluni pingasuni seminareqarnerat sioqqullugu tamanna pivoq.
Tamanna pillugu aviisimi Sermitsiami paasisaqarnerugit. Aviisimut elektroniskiusumut uani ataani linki tooriarlugu isussutissarsisinnaavutit: