Ilulissani eqqaavissuaq ikuallappoq
Politiit qatserisartullu amerlasuujullutik Ilulissani eqqaavissuarmiipput ikuallattorlu qaminniarsaralugu.
Annonce
Ilulissani politiit ullup-qeqqata missaani, illoqarfiup eqqaavissuani ikuallattoqarneranik nalunaarfigineqarsimapput.
Politiit qatserisartullu ingerlaannaq ikuallattumukarsimapput, maannalu qamisaallutik, kiisalu ikuallanneq qanoq pilersimanersoq misissuissallutik. Ilulissat politiivini politikommissæri Palu Petersen Sermitsiaq.AG-mut oqaluttuarpoq.
- Maanna assiliisajoorpugut, ikuallannerlu qanoq pilersimanersoq paasiniarlugu, taanna oqarpoq.
Politiit paasissutissaataat naapertorlugit, ikuallattoqarnerani ajoqusertoqarsimanngilaq.