Iluliarujussuaq Innaarsuit eqqannguaniittoq
Iluliarujussuaq nunaqarfimmut Innaarsunnut, Upernaviup avannaanittumut qanillivallaarsimavoq. Upalungaarsimasulli pisortaata navianartorsiortitsinngitsutut nalilersimavaa.
Iluliarujussuaq Innaarsunniit 100 meteritut ungasitsigisumiippoq.
Iluliarujussuaq taanna Danmarkip silasiorfia DMI naapertorlugu 250x180 meteritut annertutigaaq. Innaarsummiut navianartorsioratarsinnaanerat ilimananngitsoq, upalungaarsimasut nalilerpaat. Knr.gl allappoq.
Ilulissani politiit pingasunngormat ullaakkut Sermitsiaq.AG-mut ilisimatitsissutigaat, iluliarsuaq suli navianarsinngitsoq, Innaarsunnillu innuttaasunut maannakkorpiaq navianartorsiortitsinngitsoq.
2018-imi juulip qaammataani iluliarujussuaq nunaqarfiup eqqaanut aamma pisimavoq, taamanikkut nunaqarfimmi innuttaasut navianartumik qaangiussiineranni, nunarsuarmi tusagassiorfiit nunaqarfimmik allaaserinneqattaarsimapput.
Upalungaarsimasut taamanikkut tassaarsuaqarsinnaanera annilaanngitigineqarmat nunaqarfimmi innuttaasunik qimagussuititsisimapput.
Upalungaarsimasulli maannakkut navianartoqannginneraapput, KNR allappoq.
- Iluliarujussuaq Innaarsuit avannaatungaaniimmat navianartumik pisoqaratarnissaa ilimananngitsoq, Innaarsunni qatserisartut pisortaat isumaqarpoq, Avannaata Kommuniani upalungaarsimasut pisortaat Jens Dahl KNR-mut oqarpoq.