Skip to main content

Iluatsittoq: Uuliat puukui tuusintilikkuutaat utertinneqartut

Polaroil aamma Pilersuisoq Texacop dunkiinik qaammatini arfineq-marlunni kingullerni katillugit 5.458-inik tigusaqarsimapput. Utertitsisarneq ingerlatiinnassaaq.

Polaroil aamma Pilersuisoq perrassaatit Texacomeersup puukuinik november 2019-imili katillugit 5.458-inik tigusaqarsimavoq. Nuna tamakkerlugu tunisat affaat sinnerlugit utertinneqartarsimapput.

Polaroil tusagassiuutinut nalunaarutimini allappoq.

KNI-p suliniutaata "KNI qorsuunerusoq” tunngavigalugu utertitsisoqartalerpoq, pinngortitap mingutsinneqannginnissaa siunertanut ilaalluni.

- Perrassaatit dunkitaannik utertittakkat tigusakkagut amerligaluttuinnarput. Tamanna assut nuannerpoq tusarluarnarlunilu, tassami pinngortitap eqqiluitsuutinneqarnissaa tamanut iluaqutaasussaavoq, Polaroilip pisortaa, Githa Brask Olsen, oqarpoq.

Texaco dunkit imaqanngitsut sumiiffinni 69-ini tigooqqarnikuuagut. Tassa sumiiffinni utertitsivigineqarsinnaasuni tamarluinnarni. Naak utertitsisinnaaneq ukiorluinnartoq aallartikkaluarlutigu assut angusarissaarpugut, qularnanngilarlu dunkit ilai suli apummiissasut, Githa Brask Olsen ilisimatitsivoq.

Utertitsisarneq ingerlaannassaaq

Polaroil ilisimatitsivoq utertitsisarneq ingerlanneqaannassasoq ersarissarneqarlunilu.

Qanoq iliornissamik ilitsersuutit puussallu uuliatalinnut poorineqarsinnaasut tiguneqareerpata puukut utertitat siunissami qaninnermi ikuallanneqartussanngorlugit nassiunneqassapput.

Dunki ataaseq utertikkaanni 3 koruuninnassutigineqartarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER