Iluatsilluartoq: Meeqqat 32-it filmworkshopertinneqartut
Nuummi meeqqat filmworkshopertinneqarput sapaatip akunnerata siuliani. Aaqqissuussaq iluatsilluarpoq, meerarpassuimmi peqataapput
- Aallaqqaammut neriuutigisimagaluarparput peqataarusuttut arfinilinnit arfineq pisangusunut amerlassuseqassasut, meeqqalli 32-t filminik sammisaqartitsinermut peqataaniarlutik nalunaarsimapput.
Aka Hansen, Filmiliortarfimmik aqutsisoq, tusagassiutinut nalunaarummi oqarpoq.
Filmiliornermik ilisimatusartoq Alberte Parnuuna Lings Skifte filmiliornermik sammisaqartitsinermut aaqqissuussisuuvoq, tamatumani peqatigalugu Namminersorlutik Oqartussat ukioq manna kajumissaasigaat Jaqqi Lyberth Lennert, taannalu Filmiliortarfimmi sulisuulluni.
- Taama soqutigineqartiginerata kinguneranik Filmiliortarfiup pilersaarutigaa, meeqqanut atuareernerminni filmiliorusuttunut sapaatip akunneranut ataasiarlutik ammatitsisarniarlutik. Ukioq manna amerlanerusunik filmiliornermik aamma sammisassaqartitsisoqassasoq, Aka Hansen ilisimatitsivoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...