Ilmenitimik piiaanissamut suliniut tusarniaassutigineqartoq

Aatsitassarsiortitseqatigiiffik Bluejay Mining piiaanissamut akuerineqarnissaminut qanilliallappoq. Inuiaqatigiinnut sunniutissanut naliliineq aamma Avatangiisinut sunniutinik naliliineq tamanut tusarniaassutigineqarput aamma Qaanaami, Savissivimmi Ilulissanilu innutaasunik ataatsimiititsinissat aasaanerani naatsorsuutigineqarlutik.

Aatsitassarsiortitseqatigiiffik Mining Avanersuarmi Moriusap eqqaani ilmenitimikpiiaanissamut qinnuteqaammik tunniussivoq. Tamanna septembarip aappaata tungaanuttusarniaassutigineqarpoq. Bluejay

Aatsitassarsiortitseqatigiiffik Bluejay Mining Avanersuarmi Moriusap eqqaani ilmenitimik piiaanissamut qinnuteqaammik tunniussivoq. Tamatumunnga atatillugu aatsitassarsiortitseqatigiiffik inatsisitigut pisussaaffiusunik inuiaqatigiinnut sunniutissanut naliliinermik (VSB) aamma Avatangiisinut sunniutinik naliliinermik (VVM) nassiussivoq. Taakku septembarip aappaata tungaanut tamanut tusarniaassutigineqarput.

Aviisi Sermitsiaq taama allappoq.

Tusarniaanerup nalaani aatsitassarsiornermut inatsit naapertorlugu tusarniaalluni ataatsimiititsisoqartassaaq, coronap tunillaassuutinnginnissaanut malitassat atuuttut naapertorlugit ingerlanneqartussanik. Aatsitassarsiornermut Naalakkersuisoqarfimmit ilisimatitsissutigineqarpoq Qaanaami, Savissivimmi Ilulissanilu ataatsimiititsisoqassasoq. Ataatsimiititsinerni ilaatigut peqataassallutik Bluejay Miningimeersut, Avannaata Kommuniani borgmesteri Palle Jerimiassen, inuussutissarsiornermut aatsitassarsiornermullu naalakkersuisoq Jens-Frederik Nielsen aamma sulisoqarnermut, ilisimatusarnermut avatangiisinullu naalakkersuisoq Jess Svane.

- Innuttaasunik soqutigisaqaqatigiinnillu pitsaasumik oqaloqateqarnissarput neriuutigaarput. Suliniutip oqaluttuarinissaa qilanaareqaarput, isumaqarattami asseqanngitsumik Kalaallit Nunaannut naleqqullunilu pitsaasuussasoq, Bluejay Miningimi pisortap tullia Bo Møller Stensgaard oqarpoq.

Aviisimi Sermitsiami atuarnerusinnaavutit. Aviisi uani pissarsiariuk:

Powered by Labrador CMS