Illuut pisortartaartussanngorpoq
Illuut A/S-imi Namminersorlutik Oqartussanit pigineqartumi pisortaq Jette Larsen atorfimminit soraarniuteqarpoq
- Qangarsuarli aalajangersimavarput Danmarkimi utoqqaliniarluta, ilaquttammi amerlanersaat tassaniipput taamaattumillu ukiualunni piareersarsimalluta, Jette Larsen ujarassiuumik Ole Christiansenimik ueqartoq oqarpoq.
AG allappoq.
Taamaattumik aappariit Skanderborgimi illusisimapput »angerlarsimasutut misigisimaffigeriikkaminni«.
Piffissaalluartoq
Illuummi taamaatinnissamut piffissaq Jette Larsenimut eqqortuuvoq, Illuut annertuumik allanngortiterneqartussanngormat, sanaartugassanik angisuunik suliaqarsinnaanissamut ingerlanneqarnera pitsanngorsarneqarluni.
- Illuummilu soraarnissamut tamanna peqqutissaqqissuuvoq, taamaalilluni ingerlatseqatigiiffiup suliassaannut eqqortumik piginnaanilimmik nassaartoqarluni, taanna oqarpoq.
Neriuutigaali siulersuisuni sulinermi peqataasinnaassalluni imaluunniit arlaanik suliaqartinneqarluni, ukiut marlussuit matuma kingornagut soraarninngornissami tungaanut.
Uia Kommune Kujallermi aatsitassaqarnikkut siunnersortitut maannamut suligallassaaq.
Aviisimi AG-mi atuarnerusinnaavutit. Aviisi uani ataani pissarsiariuk: