inuerukkiartorneq
Illutik qimattarpaat – utinngisaannarlutillu
Kisitsisit nutaat nunaqarfiit inuierukkiartuinnavinnerat takutippaat. – Inuit aallaannartarput illutik tukiinnavillugit, antropologi Kulusummik misissuisoq oqarpoq. Sumiiffiit ilaanni ukiut qulikkuutaat marluk ingerlaneranni nunaqarfimmiut affaannanngorsimapput.
Nunaqarfiit inuerukkiartornerat misissorluaraanni takusassaq annilaarnartoqarpoq.
Tunumi Kulusuk nunaqarfiit inuerukkiartuinnavissut ilagaat. Franskit nutaarsiassaqartitsiviata naalagaaffimmit pigineqartup France24-p sapaatip-akunnerani qaangiuttumi internettimi allaaserisamigut nunaqarfik taanna sammivaa, allaaserisarlu Europami atuartartorpassuinut tuluttut franskisullu siammarterneqarpoq.
– Aasat tamaasa amerliartuinnartut Kulusummit aallaralersimapput. Qimataannik illorpassuaqarpoq inoqanngitsunik, aviisi siuleqummi allappoq, tamatumalu kingorna islandimiu antropologi Johanne Björk Sveinbjörnsdottirip allaaserisaq nangippaa.
Taanna Berlinimi najugaqarpoq, aasakkulli Kulusummi najugaqartarluni tassani akunnittarfimmi sulilluni – tamannalu peqatigalugu antropologitut ilinniakkani atorlugu nunaqarfimmi allanngornerit malinnaavigisimallugit. Taamaaliorsimavoq 2013-imiilli.
– Illut qimanneqarsimasut 81-it siorna aasakkut kisippakka. Kisitsit taanna sanilliunneqassaaq nunaqarfimmi illut 149-innaanerannut. Nunaqarfiullu inui suli ikiliartortuarput, tusagassiortoq France24-meersoq nassuiaavoq.
Nunaqarfinni inuerukkiartorneq pillugu AG-mi paasisaqarnerugit: