ingitserineq

Illut inuerunnikut kiisami ingitserniarneqalertut

Piffissami sivisuumi Nuup qeqqata missaani inissiat marluk inoqarsimanngillat.

Una illoq ingitserneqassaaq, ingitserinerlu aallartinnginnerani illoq akuutissanik ulorianartunik akoqarnersoq misissorneqaqqaassaaq.

Kiisami Noorlernut 16-mi aamma 18-mi kiisalu Saqqarlernut 1-mi aamma 3-mi Nuummi pisoqalerpoq, Kommuninut Naalakkersuisoqarfik taama paasissutissiivoq.

Avatangiisinut sunniutaasinnaasunik misissuineq

- Maanna illut avatangiisinut qanoq sunniuteqarsinnaanerat misissorneqarpoq, illut isatinnginneranni avatangiisinut peqqissutsimullu ajoqutaasinnaasunik akoqarnersut misissorneqartussaasoq, Naalakkersuisoqarfik tusagassiuutinut nalunaarummi paasissutissiivoq, ilassutigaallu piffissami aggersumi illuni eqqaanilu sulisoqarnera takuneqarsinnaassasoq.

Avatangiisinut qanoq sunniuteqarsinnaanerisa misissornera naammassippat allakkat suliariumannittussarsiornermi atugassat suliarineqassapput, neriuutigineqarporli ukioq manna illut taakkua ingitserneqarsinnaassasut

Powered by Labrador CMS