Skip to main content

Illuatungiliuttut: Mikael Petersenip Namminersorlutik Oqartussat pisassiinissamik tuavisaarpai

Inuit Ataqatigiit aamma Partii Naleraq Siumup allattaaneranut avaleraasartuunik pisassiissutinik agguaassinermi assortuussutaasumut tunngatillugu nutaanik pasilliissuteqarput

Siumumi ilaasortat pingaarutillik marluk suliami avaleraasartuunik 40 millionit koruuninik naleqarnerakkanut suliffeqarfimmut KNT-mut agguaassinermut atatillugu attuumassuteqarnerat suli oqallisaajunnaarnianngikkallarpasippoq.

Pasilliissutit nutaat
Maanna illuatungiliuttut Inuit Ataqatigiit aamma Partii Naleraq suliamut attuumassuteqartunut pingaarnernut nutaanik pasilliissuteqarput.

Tassani pineqarput aalisarnermut naalakkersuisoq, Karl-Kristian Kruse (S), suliffeqarfimmik ernerminut ingerlatitseqqinnginnermini piginneqataasimasoq aqutsisunilu ilaasimasoq, aammalu Siumumi allattaaneq, Mikael Petersen, maanna suli tunisassiorfimmi pisortaasoq.

Atuaruk: IA: Krusep avaleraasartoortassat imminut sullilluni agguaappai

Naalakkersuisoqarfimmut allattoq
Siumup allattaanera Naalakkersuisoqarfimmut toqqaannaq allassimavoq avaleraasartuunik qinnuteqarnertik pillugu nukingisaarisimavoq aningaasaqarniarnikkut imminerminnut pisariaqassusaa nassuiarlugu. Iluatsippaalumi, KNT 4.285 tonsinik 40 millionit koruuninik nalilinnik pisassinneqarpoq, illuatungiliuttut erseqqissaapput.

Kingusinaarluni tunuartoq
Illuatungiliuttut isaannit aamma pingaaruteqarpoq, Karl-Kristian Kruse kingusissukkut qinnuteqaatit suliarinerani attuumassuteqarpallaarnini pissutigalugu tunuarnera, avaleraasartuunillu pisassiissutit agguaanneqarnerisa aalajangiiffigineqarnera Naalakkersuisut siulittaassuannut Kim Kielsenimut tunniullugu.

Inuit Ataqatigiit Inatsisartunut ilaasortaatitaat, Ane Hansen, naapertorlugu KNT avaleraasartoortassanik januarip 19-ani Karl-Kristian Kruse suli tunisassiorfimmut attuumassuteqarnerata nalaani qinnuteqarpoq. Aatsaallu februaarip arfineq-pingajuanni suliffeqarfimmit tunuarluni aamma maajip arfineq-pingajuanni attuumassuteqarpallaarnini nalunaarutigalugu.

Atuaruk: Siunnersortit: Avaleraasartoortassiineq ajunngitsumik ingerlasimavoq

Demokraatit Atassut aammalu Siumup inatsisartunut ilaasortaatitaasa, massakkut unioqqutitsineq akueraat, illuatungiliuttut taama unnerluutiginnipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER