Skip to main content

Illuatungiliuttut aningaasanut inatsisissamut akerliulluinnartut

Partiini siuttut pingarsunngormat ullaap tungaani Inatsisartuni saqqummiussinerminni, apeqquteqarlutillu akissuteqartarnerminni aappagu aningaasanut inatsisissaq sammingaatsiarpaat.

Illuatungiliuttut Múte B. Egede IA-meersoq siuttoralugu oqaatsit sakkortuut atorlugit innuttaasunut nalunaarutigaat, aningaasanut inatsisissatut siunnersuut, naalakkersuisooqatigiit tapersersortaasalu Demokraatit isumaqatigiissutigisimasaat aqqutigalugu pilliutigineqarsimasut.

Kim Kielsenip aallarniilluni erseqqissaatigai, peqqinnissaqarfimmut aningaasartuutaasartut ikilisinneqarsimanngitsut, sulinermi ilanngaat akissarsiakitsunut akunnattummillu aningaasarsialinnut iluaqutaassasoq. Peqatigitillugu ingerlatseqatigiiffinnut akileraarutip appartinneqarneratigut inuussutissarsiorneq ineriartoqqinnissamut periarfissinneqartoq oqaatigaa.

Akitsuutinik qaffaanerit

Akitsuutit qaffanneqarnerat illuatungiliuttut sammisassatut pissusissamisoortumik isigivaat. Naalakkersuisut IA-mi, Suleqatigiissitsisuni, Partii Naleqqami Atassummilu partiit siuttuinit isornartorsiorneqangaatsiarput.

Siumut siulittaasuat Kim Kielsen isumqarpoq, tamatta akisussaaqatigiissasugut, aamma sanngiinnerpaat ikiorneqartuassappata tamatta akileeqataassasugut.

Múte B. Egede akerlianik isumaqarluni oqarpoq, innuttaasut iluqutissamik ataatsimik tuneriarlugit kingusinnerusukkut innunnit taakkunannga iluaqutissat pingasut tigoqqinneqartut.

Iluanaarutit pillugit inatsit misissorneqassasoq

Kim Kielsenip oqallinnermi nalunaarutigaa, inuussutissat akiisa appartinneqarnissaat siunertaralugu iluanaarutit pillugit inatsisip misissorneqanissaanut tunngavissaqartoq.

Aamma illuatungiliuttuni partiit annersaat isumaqarpoq, naalakkesuisooqatigiit oqartussaaqataanermut akerliusumik ikinnerussuteqartut tatisimagaat.

- Naalakkersuisut tigussaasumik oqaloqatigerusukkaluarpavut, kamaqarlutilli naapittarsimavaatigut. Taamatut oqaloqatigiittoqarsinnaanngilaq, Múte B. Egede oqarpoq.

Nivi: Illuatungiliuttut kamatsitsilersarput

Demokraatit siulittaasorigallagaat Nivi Olsen isumaqarpoq, illuatungiliuttut inuit akornanni kamammik pilersitsisartut, tamannalu innuttaasut sinnerlugit politikkikkut atornerluisut taavaa.

- Uagut kamassaarinngilagut. Akerlianinguna innuttaasut qissuariaateqartut, Múte B. Egede erseqqissaavoq. Ullumi kingusinnerusukkut mamakujuit, imigassat, cigaretitit, puussiat plastikiusut avisitigullu neqeroorutit akitsuutaasa qaffanneqarnerat akerliuffigalugu akerliussutsimik takutitsisoqarniarpoq.

Nivi Olsenip erseqqissaatigaa, inuppassuit aporfilersuiniarsaringaluartut siunissaq pissanganartoq qilanaaralugu.

Partii Naleqqami siulittaasoq Hans Enoksen ingerlatseqatigiiffiit akileraarutaannut tunngatillugu isumqarpoq, aningaasanut inatsimmi amigaaterpassuit eqqarsaatigalugit fem procentimik appaaniarneq sunngitsoq, tassungalu atatillugu utoqqaat, aalisartut ajornartorsiutaat inuppassuillu suliffissarsisinnaanngitsut eqqaallugit.

Partiini siuttut siulittaasumit avoqqaarineqartut

Oqallinnermi ilaannikkut inuttut kanngunarsaanermut sangusoqartarpoq. Mimi Karlsen siulittaasutut aqutsinermini immikkut ittumik oqaaseqartariaqarsimavoq.

- Oqaatsisi mianerisigit. Eqqaamallugu tamanna nikassaanertut nipeqarsinnaammat, Mimi Karlsen akissuteqarnissamut apeqquteqarnissamullu 30 sekundinik piffissaliisoqarsimanera innersuussutigalugu oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER