Inatsisartut
Illuatungiliuttut: 2015-imi ukiakkut ataatsimiinneq tukattoq paatsuunganartorlu
Politikerit angerlakaapput maannalu Naalakkersuisut suliakkiutinik suliaqarlutik aallartissinnaanngorput
Partii Naleqqap siulittaasua, Hans Enoksen, Namminersorlutik Oqartussat allaffeqarfssuani partiit torsuusarsuisa ilaanni allaffimmini mailit kingulliit nassiussarsiani akiortorlugit issiavoq.
Inatsisartuni ataatsimiinnermi kingullermi peqataaqqammerpoq qanoq ingerlasimaneranillu aperiganni ima akivoq:
– Inatsisinik allanngortitsiniarnerit ataatsimiinnermilu inatsisissanik siunnersuutinik tunuartitsinerit Naalakkersuisunit ingerlanneqartut eqqarsaatigissagaanni ataatsimiinneq paatsuunganartorujussuu voq.
Tamannami Naalakkersuisut ilatsiinnarpallaarnerannik isumaqarpoq.
– Nipaarsaarussisimapput. Nunamik aqutsisut suliassanik pimoorussillutik sulisussaapput inuiaqatigiinnilu aqqutissiuussisus saallutik, amerlanertigulli tamannali tamatigut takunikuunngilarput, Hans Enoksen naliliivoq.
IA-kkut isumalluarnerusut
– Ataatsimiinneq pissarsiaqar ulluarsima voq. Siunnersuutivut arlallit piviusunngor tippavut taasissutiginninnissanut amer lanerussuteqaartunik katersisarnitsigut, tamannalu nuannerpoq, Inuit Ataqatigiit siulittaasuat, Sara Olsvig, oqarpoq.
Taanna nassuiaalluni oqarpoq, ataatsimiinnermi matumani suliassartik pingaarnerpaaq tassaasimasoq Namminersorneq Pillugu Inatsisip oqaluuseritinnissaa iliuuseqarnissamullu pilersaarusiortitsinissaq.
– Taanna suliassaavoq inuiaqatigiit tamarmiusut ataatsimoorullugu suliassaat. Suliassaqar nnik Danmarkimit tigooraas saagut tamannalu suliassatut nunatsinnut namminiilivikkiartuaartumut isumagisa riaqarparput. Nunami innuttaasut suleqa tigalugit suliassap ingerlateqqinnissaanut qilanaarpugut, oqarpoq.
Allaaserisaq tamaat Sermitsiami saqqummertumi nutaami atuaruk, taanna uani pisiarisinnaavat: