Nuummi innuttaasut sisamanngornermi unnukkut aqqusinermi Kissarneqqortuunnguami Timersortarfissuup Inussiviup eqqaaniit pujuliortupilussuarmik takusaqarsimapput.

Kalaallit Nunaanni Politiit ilisimatitsissutigaat, KNR-ip siusinnerusukkut illuutigisimasaa inoqanngitsoq ikuallammat pujuliortoqarsimasoq, ikuallattoqarneralu nalunaaquttap unnukkut aqqarnup missaani kalerriutigineqarsimasoq.

Illu ukiorpassuarni aserfallatsaalineqarsimanngilaq, pigaartullu pisortaata Søren Bendtsenip oqaluttuaraa, oqartussat illumut tassunga aatsaat orniguttariaqalersimanngitsut:

- Pinnguarfigissallugu ulorianartoq

- Taanna ataasiaannarani ikuallattarsimavoq. Ikuallattoq aqunneqarsinnaasimavoq ikuallanneralu siammarsimanani, pigaartut pisortaat oqarpoq.

Politiit ikuallanneq qanoq aallartissimanersoq imaluunniit kimit ikuallatsinneqarsimanersoq naluaat. Inunnik ajoqusertoqarsimanngilaq.

Illup meeqqanit inuusuttunillu kiisalu angerlarsimaffeqanngitsunit ussatigineqartartoq politiinit ilisimaneqarpoq:

- Illu pisoqarfiusaqaaq. Ilaatigut meeqqat ussatigisarpaat, illuli inoqanngitsoq navianaallisarneqarsimannginnami pinnguarfigissallugu ulorianartupilussuuvoq, Søren Bendtsen oqarpoq.

Nutaarsiassat

Kommuneqarfik Sermersuumi Kommunalbestyrelsimit Angallanneq pillugu Siunnersuisooqatigiit pilersinneqarput

Kommuneqarfik Sermersuumi Kommunalbestyrelsimit angallanneq pillugu Siunnersuisooqatigiinnik pilersitsinissaq aalajangerneqarpoq.

Angallanneq pillugu Siunnersuisooqatigiit angallannermut...

Suliffissarsiortunut 18+ suliniuteqarnissamut sullissisussanik ujartuineq

Majoriaq Nuuk suliffissarsiortunik 18+ ukiulinnut, sullisserusuttunik ujartuivoq. Illit imaluunniit suliffeqarfiuteqarussi Inersimasunik suliffissarsiortunik susassaqartitsinermik suliaqarnermik...