Skip to main content

Illorsuarmiut peqatigiiffiat peqataatinneqarumapput

Naalakkersuisunut ammasumik allakkatigut Illorsuarmiut peqatigiiffiat Naalakkersuisunik atorfilittanillu julimi ataatsimeeqateqarumavoq. Peqataatinnata aalajangernerit pissaanermik atornerluineruvoq, peqatigiiffik nalunaarpoq.

Tassaarsuaqaratartoqarsinnaanera pillugu Illorsuup matoqqatiinnarneqarnissaa innuttaasut qaangiinnarlugit aalajangiineruvoq, pissaanermillu atornerluinerulluni.

Illorsuarmiut peqatigiiffiat taama isumaqarpoq. Illorsuit 2017-imili Karrani qaqqap sisoorneranit tassaarsuarmit eqqorneqarmalli inoqaleqqissimanngilaq.

- Piumasaraarput nunaqarfik Illorsuit tikillugit, nunaqarfimmiullu peqatigalugit, naalakkersuisut upalungaarsimanermut ataatsimiititaliarsuartik peqatigalugu, Illorsuit siunissaat oqaluuserineqassasoq. Nunaqarfipput tikillugu nalilersorneqaqquarput, ungasianiit naalakkiiginnartarnerit ullutsinnut naleqqukkunaariikatattut, qimallugit, peqatigiiffik Naalakkersuisunut ammasumik allakkamini allataqarpoq.

Illorsuit nutarpasissumik tunitsiveqarpoq, 2017-illu tungaanut nunaqarfiup eqqaa aalisarfigilluarneqartarluni.

Ulorianangaatsiartoq

Tassaarsuaqaratarsinnaaneranut aarlerinaat norskit immikkut ilisimasallit aamma GEUS misissuisimavoq. Misissuinerup takutippaa Karrani qaqqaq annertooq sisussaappat Illorsuit annertuumik eqqugaassasoq.

Illorsuit inoqassagaluarpat qaqqap sisoorneraniit minutsit 13-iinnaat atorlugit innuttaasut qutsinnerusumukartariaqassapput. Ajornerpaamik pisoqassappat malissuit nunamut qaarartut immap killinganiit 20-43 miiterinik qutsitsigisumut qaartassangatinneqarput.

Illorsuarmiut peqatigiiffianiilli najugaq qimassimasaq suli najugarileqqikkusunneqarpoq.

- Soorunami Pinngortitarsuup nukii akiorsinnaanngilavut, sumiluunniit najugaqaraluarutta. Illoqarfeqarpoq innermik anitsisartut eqqaanni inissisimasunik inuppassuarnillu najugaqarfigineqartunik. Nunarsuatsinni feeriartarfissuit ilaat ulersuarnermit ”tsunami”-mit eqqornerlunneqarujussuarsimasunik, Illorsuarmiut peqatigiiffiata, Dorthe Qvist Jerimiassenip siulittaasuuffia, taama tunngavilersuivoq.

Allakkani ammasuni peqatigiiffiup Naalakkersuisut aamma upalungaarsimanermut ataatsimiittialiaq julip naanerani ataatsimiinnissamut aggersarpai.

Naalakkersuisut siusinnerusukkut ilisimatitsereerput nunaqarfimminnut uterusuttut uternissartik namminneq akisussaaffigissagaat. Tassaarsuaqaratarsinnaaneranulli tunngatillugu ulorianartoqarmat pisortat suliffeqarfii aallartisarneqaqqissanngitsut ilisimatitsissutigalugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER