Illoqarfiup immikkoortutoqaa allanngortiterneqartoq
Kommunip inissiaatileqatigiiffia Iserit A/S Tuujummi inissianik 148-nik sanaartorpoq.
Nuummi illoqarfiup immikkoortortaa Tuujuk ukiuni makkunani allanngortiterneqartorujussuuvoq.
Inissiarsuatoqqat 1960-ikkut aallartinneranneersut isaterneqarsimapput. Inissiarsuit nutaat, kommunimit aningaasaliisunillu namminersortunit sanaartorneqartut, nappaatiterneqarsimapput, Sermitsiaq allappoq.
Maannalu blokkit Kongevejip sinaaniittut B, C aamma D tullinnguupput, taakkualu inissianik 148-nik, kommunip inissiaatileqatigiiffianit Iserit A/S-imit sanaartorneqartussanik, taarserneqassapput.
Iserip pisortaata Torben Kortegaardip inissialiortiternissamut nivariarneq siulleq maajip 19-iani isumagaa, sanaartornermik suliffeqarfiup EMJ/Atcon Greenland A/S-ip maskiinarsuarnik sanaartornermik atorneqartartunik aallartitsinnginnerani.
Suliniut Tuujuk inissiarsuarnik tallimanik, tamarmik immikkut sisamanik quleriilinnik, imaqarpoq, taakkualu immikkoortuni marlunni sanaartorneqassapput. Immikkoortoq siulleq inissiarsuarni pingasuni 88-inik inissiartaqartoq 2022-2024 ingerlanneqassaaq, tamatumalu kingorna immikkoortut aappaat inissiarsuarni marlunni 60-inik inissiartaqartoq ingerlanneqassalluni.
Aqqusineeqqat, ikaartarfiit, masarsoqarfiit, pinnguartarfiit aamma najukkami naasut inissiat akornanni avatangiisinik pitsaasunik pilersitseqataassapput. Sanaartugaq tamarmiusoq 14.000 kvadratmeterinik angissuseqarpoq, sanaartornerlu 300 millioner koruuninik akeqarluni.
(Sumiiffik siornatigut qallunaatut Lille Slettemik taagorneqarsimavoq. Ullumikkut taaguut Tuujuk taamaallaat atorneqarpoq, taannalu timmissamut taaguutaavoq. Timmiannguaq naloraarusilik taanna narsarsuarmi masarsoqarfimmi siornatigut piaqqiortarsimavoq, ullumikkulli sumiiffimmi kuuffilersorlugu imaarutitinneqarsimasumi sanaartornermi kranersuit inissiarsuillu akornanni qaqutiguulersimalluni).
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
