suliffissaaleqineq
Illoqarfinni suliffissaaleqisut ikiliartorput
Naatsorsueqqissaartarfimmi ksisitsisit saqqummertut nutaat takutippaat, novemberimi suliffissaaleqisut siorna qaammammut tassunga sanillillugit ikinnerusut
2015-imi novembarimi suliffissarsiortutut nalunaarsukkat 3.169-inik amerlassuseqarput, taakkunannga 552-it nunaqarfinniipput. Ukiup siuliani qaammammut novembarimut sanilliullugu katillugit 304-inik ikinnerupput..
Naatsorsueqqissaartarfimmit kisitsisit nutaat tamanna takutippaat.
Taassuma saniatigut illoqarfinni suliffissarsiortut ikileriarnerat inunnik 287-inik amerlassuseqartut ilisimatitsissutigineqarpoq.
Ukiut
Ukioqatigiiarlugit agguataarinermi takuneqarsinnaavoq, angutit suliffissarsiortut amerlanerit 50-54-illu akornanni ukioqartut. Nunaqarfinnili angutit suliffissarsiortut 20-24-illu akornanni ukioqartut amerlanerupput. Arnat suliffissarsiortut amerlanerpaat 20-24-illu akornanni ukioqarput.
Suliffissarsiortut nalunaarsorneqarsimasut inuit kommunimut suliffissaaleqinermik ajornartorsiuteqarlutik saaffiginnittut kisinneqarnerisigut naatsorsugaapput. Inuk ataaseq qaammammi ataatsimi suliffissarsiortutut nalunaarsorneqartarpoq, qanorluunniit ulloq ataasinnaq qaammat tamakkerluguluunnit suliffissarsiorsimaguni.
Illit illoqarfigisanni qanoq inissisimasoqarnersoq, kisitsisitigut takusassiami uani assip ataani takuuk